【4月生日優惠懶人包】任食半價　免費一磅生日蛋糕

4月壽星遇上疫情，但生日月都想要一點甜，同自己最愛嘅人簡簡單單食餐生日飯已係幸福事。今個月都有好多食肆推出生日優惠，為一眾壽星送上祝福。但記住出街要做好防疫措施，戴口罩、勤洗手，返到屋企都要記得消毒喔！

Bostonian Seafood & Grill 有精釀啤酒酒吧、主餐區同私人廂房，環境以金屬、鋼鐵同復古船塢元素嘅藝術品為主，係可以食埋環境嘅生日飯。呢度主打手工乾式熟成牛肉、海鮮同烤肉，加埋生日優惠送嘅半打生蠔，相當豐富～

尚廚　將軍澳自助餐生日半價

將軍澳人唔使去得遠，近近哋區內已經有酒店Buffet 食，環境以木質簡約設計為主，而家亦特別安排改為任點任食方式，食得安心啲。呢度最大賣點係特色海鮮盤，中西熱盤款式亦多，鍾意咩都食啲嘅話就啱喇。

4月生日優惠：生日客人與3位或以上同行惠顧自助晚餐，生日客人可享半價及生日甜品碟一客；同行親友則享平日75折、假日85折優惠。

柏景餐廳　送指定一磅生日蛋糕

柏景餐廳喺尖沙咀皇家太平洋酒店，新推嘅「吃喝無限點」午餐或晚餐係以放題形式，喺餐單任揀菜式後就有專人送到，有刺身壽司、海鮮、中西湯水、國際菜式、甜品等過百款揀。而家生日客人仲送指定一磅生日蛋糕乙個，想約壽星食飯準備驚喜仲唔使自己專登去買𠻹。

圖：Yan~*

4月生日優惠：生日月份送指定一磅生日蛋糕乙個

*優惠適用於星期日及公眾假期嘅「吃喝無限點」午餐；或星期五、六及公眾假期前夕嘅「吃喝無限點」晚餐
*須於用餐前最少一天，致電柏景餐廳預訂蛋糕

緣聚西日餐廳　全枱人頭費88折

時尚工業風環境氣氛輕鬆，集日式放題同刺身火鍋於一身，有刺身、澳州羊扒、鐵版牛舌、蒜香焗蠔、燒物、天婦羅、蟹粥鍋底、焦糖3.6牛乳雪糕等過百款嘢食，好啱同家人朋友暢快食餐生日飯。而家店內使用新加坡QAC 消毒殺菌劑，全面消毒清潔環境同每張枱櫈。

Chalet　送自選甜品＋免費寫生日祝福語

去到門口已見到有格調嘅瑞士小木屋設計，好啱情侶食餐溫馨生日飯。呢度主打高級西式料理，北海道蟹肉意大利飯、美式燒烤醬豬肋骨配薯條、西班牙烤乳豬都好推薦。生日有自選甜品送，提早向店家講低寫祝福語仲可以畀個驚喜壽星～