【11月生日必睇】生日優惠集合 最抵Staycation免費食自助餐
2020-11-04

踏入年尾心情都開心啲,節日氣氛開始湧埋嚟喇~咁啱11月生日嘅話,仲可以提前約飯局玩得盡興。11月繼續有酒店、放題同海鮮餐廳優惠,最抵有免費自助餐呀,一定要Mark 低。


泰夯蝦 生日免費食流水蝦
主打流水蝦放題嘅「泰夯蝦」,店內有好多泰國大頭蝦喺流水道中游水,食客可自助形式揀游水蝦。將蝦放上爐燒,輕輕灑上鹽調味就食得,大頭蝦肉質爽甜多膏。同場仲有自助區提供多款海鮮同熟食。無論生日正日定月份都有免費或半價優惠,大食量嘅更加抵!

圖:wt248102Lunhm1209

11月生日優惠:生日當日,壽星可享成人免費優惠;生日當月,成人壽星享半價、小童或長壽星享免費。優惠需4位或以上入座,每4人只可1人享有此優惠,詳情可向餐廳查詢。


挪亞方舟酒店「豐盛閣」 2人Staycation免費食晚餐/自助餐
挪亞方舟酒店內嘅「豐盛閣」有晚餐同自助餐食,自助餐有冰鎮海鮮、沙律、熱食同甜品等。酒店喺11月份就推出「生日及情侶紀念日住宿套餐」,好啱情侶或閨蜜一齊Staycation兼玩挪亞方舟~2個人入住雙人客房一晚,可免費於「豐盛閣」享用豐盛晚餐或半自助晚餐(兩位),同時免費享輕盈早餐、獲贈半磅蛋糕同葡萄汽酒1支。

圖:chingbee0808Amelia125

11月生日優惠:預早最少7日預訂客房,2人入住雙人客房一晚,可免費於「豐盛閣」享用豐盛晚餐或半自助晚餐。入住時亦可以優惠價購買挪亞方舟2天門票。


如心艾朗酒店 生日會員免費食自助餐
如心艾朗酒店集團有多間餐廳,有主打自助餐嘅Café Circles、Corner 18、forte等,食到唔少海鮮、刺身、肉眼扒等。只要係如心艾朗酒店嘅Vivva 會員,就可以喺生日月份攜同至少1位成人親友,以正價惠顧指定如心酒店集團旗下餐廳 (包括Café CirclesCorner 18forteLIS Café) 嘅自助晚餐或半自助晚餐,生日會員可享免費優惠1次。

圖:ComeMondoubley_l

11月生日優惠:成為Vivva 會員可於生日月份攜同至少1位成人親友,以正價惠顧指定餐廳(包括Café Circles、Corner 18、forte 同 LIS Café) 之自助晚餐或半自助晚餐,生日會員可享免費優惠1次。


The Captain’s House 全單88折食Shake Shake海鮮
出名食Shake Shake 海鮮嘅「The Captain’s House」,可以自選多款海鮮、醬料Shake,有鮑魚仔、青口、小龍蝦等,大大袋海鮮上枱足料又霸氣,一打開即聞到海鮮香,直接徒手食最爽。同場仲有意粉、意大利飯、Pizza等,情侶食海鮮夠浪漫;三五知己食又夠熱鬧~

圖:M.Food.Journalmylittlegourmand

11月生日優惠:生日當天惠顧晚市堂食,可獲全單88折優惠兼送甜品一客;生日月份惠顧可獲全單9折及甜品半價優惠。

生日飯局
好友生日飯局的環境、食物質素、驚喜等因素都很重要,開飯仔集合各類最適合慶生的餐廳,方便飯局搞手。
本月熱門
【2020回顧】海外超人氣過江龍抵港一覽
2020-12-28
西營盤新開台式Cafe 推介即煎鐵板吐司/芋圓仙草/黑糖奶蓋茶
2020-12-28
日本蛋料理專門店大角咀全新旗艦店!海膽碎金鎗魚腩生雞蛋拌飯+期間限定貓之全日早餐
2020-12-24
12月份好評餐廳十強
2021-01-05
打卡必去!曼谷超人氣粉紅餐廳Lady Nara登陸尖沙咀 香港店限定龍蝦冬蔭意粉
2021-01-05