【識食攻略】滋補花膠雞火鍋秋冬必食之選

2025-10-06

打邊爐都一樣可以食得滋補養生！【新鮮圍煮】係一間位於紅磡嘅火鍋店，招牌花膠雞湯底飲落滿滿膠質，金黃色嘅湯底濃郁鮮甜而又不油膩，用嚟打邊爐就啱曬喇！雞肉嫩滑軟淋，肉質唔會因為經過長時間熬煮而變得乾柴；花膠大件厚實，十分足料。

除咗湯底之外，呢度嘅食材一樣咁出色！唔單止有食落彈牙爽脆嘅加拿大A級象拔蚌、肉味濃郁嘅手切本地肥牛，仲有招牌六寶拼盤同時令蔬菜，全部食材都非常新鮮有水準！