【特約分享】送可愛Tote Bag!藍屋食飯.買本地有機菜
2021-03-12

記唔記得細個總會同街坊鄰里打招呼嘅親切日子?好多人總慨嘆香港人情味少咗,連寒暄一句「食飯未呀?」都無喇……其實香港人仲係好有愛,有一班人一直努力地營運社企,透過一餐飯、一棵菜默默地幫助有需要嘅人㗎。留意返,文末仲有免費獲贈禮品詳情,想幫到人又換到禮品記住睇到最尾!

 換領各款Nick The Robot 產品,文末有詳情!

百年歷史藍屋餐廳之一「本地薑」
藍屋一直係打卡熱點,而藍屋能成功保育「留屋留人」,不得不提社福界嘅聖雅各福群會積極參與。保育係一個開始,要將藍屋發展得更有意義,就要靠一班人嘅努力。

 百年歷史藍屋成功「留屋留人」。

「本地薑」食餐飯 支持本地農業+保育
一餐飯可以點為保育出一分力?藍屋餐廳之一「本地薑」隸屬聖雅各福群會,支持本土農業,將本地有機蔬菜Farm-to-Table 畀大家用味蕾見證香港都可以種到靚菜!

 「本地薑」有室外同戶外座位,喺藍屋嘆個下午茶好寫意。

【Farm-to-Table】本地蔬菜即割.即日送到!
有機蔬菜瓜果全部即割即日送到,所以「本地薑」招牌菜就係集合5款有機菜嘅「五色養生薑黃飯」!想知邊5款菜就要睇你幾時去食喇,因為每星期農青會選擇最當造蔬菜收割送達「本地薑」,所以每個星期都唔同㗎。

 秋冬當造椰菜、十字花;夏天就有清爽冬瓜喇!

Menu 亦會隨蔬菜更新,今個星期就有「自家製素雲吞有機生麵」、「日式豉油湯素菜喬麥麵」、「川味茄子炆素鴨血飯」等。所有菜式都以蒸、煮、炆、焗健康煮法為主,少鹽少糖無味精,就算非素食人士嚟打卡Go Green 健康一下都好療癒。

 「自家製素雲吞有機生麵」麵底係英國有機生麵,雲吞餡料則有紅蘿蔔、山藥、雞髀菇等,口感十足。

香口下午茶 有機花生醬西多
難得假期想食得香口啲可揀下午茶「有機花生醬法式西多士」、「有機朱古力醬法式西多士」等。西多外層金黃香脆,內層則厚塗醬料超滿足!喺百年歷史建築物中,食個下午茶再配杯咖啡真係好Chill。

 下午茶有2款西多士揀。

藍屋半日遊 了解香港歷史.買手信
其實藍屋好易就玩足半日,呢度有「香港故事館」介紹本地文化特色;又可以去「土作坊」買手信。玩到倦就喺「本地薑」嘆下午茶,每個景點都有打卡靚位,情侶、閨蜜或Family Day 都好啱。

「本地薑」亦為基層家庭推行「代用餐券」,基層家庭憑券可揀Menu 上任何菜式,不額外收取差價。食客嚟到「本地薑」不妨用HK$60 買「代用餐券」,一餐飯,真係可以幫到人㗎。

 食客可購買「待用餐券」幫助基層人士。

「farmfresh330」買棵菜 支援精神病康復者
咁一棵菜又點樣幫到人呢?如果你係大圍人、屯門人,經過港鐵站應該會留意到一間專賣有機蔬菜嘅舖頭—「farmfresh330」,係新生會旗下幫助精神病康復者嘅社企,有自家「新生農場」同工場畀康復者學習種植有機蔬菜、製作有機豆品,幫助佢哋獲得工作機會,可以重投社會。

 「farmfresh330」自設農場、工場為精神病康復者提供工作機會。

門市店舖都會聘請康復者,幫助佢哋喺工作中建立自信。

 「farmfresh330」喺大圍、屯門港鐵站同金鐘均設分店。

自家種植    本地有機蔬菜
店舖嘅有機蔬菜均嚟自自家「新生農場」,該農場已獲得2個本地有機認證,確保蔬菜、香草等農作物都不含化學農藥或肥料,食得安全健康又可以保護生態環境。

社企嘅有機菜定價非常親民,希望大部份人都可以輕鬆食得健康,微薄收入就用嚟支持營運同幫助有需要人士。如果你都追求有機生活,不妨支持社企店舖,令一棵菜都買得更有意義。

 店舖放滿有機蔬菜,生菜、西洋菜、菜心都好受歡迎。

「新生農場」同時自設菇房種植有機菇類、番茄等等。

所有蔬菜都係即割即送達店舖,如果即日未賣出嘅蔬菜;隔日仲有折扣優惠𠻹,依然新鮮清爽㗎!想食抵啲就要留意折扣標籤喇。

 蔬菜選擇琳瑯滿目,有時仲搵到抵食蔬菜。

康復者用心製作 「正豆」有機豆品
「farmfresh330」自家品牌「正豆」,同樣由精神病康復者親自製作各種豆品—豆漿、豆腐等。店家就話其實早年康復者只能喺工場做較低技術工作(如入信封),為令康復者可以學習更多技能就成立咗「正豆」。

細心一睇,會發現每件「正豆」產品背後都印上參與製作嘅康復者心聲。拎喺手中嘅豆漿仿佛拉近我哋嘅距離,感受到一班康復者嘅心意同溫暖。

 每件豆製品背後,都印有參與製作嘅康復者心聲。

豆製品不含防腐劑及化學添加劑,並通過ISO22000認證。

仲有即叮即食小菜、素食餃子等,均由康復者巧手製作。

Like Facebook 免費獲可愛禮品!
香港有好多社企一直默默地幫助有需要嘅人,如果你想出一分力但無時間做義工,再簡單啲真係食餐飯、買棵菜就幫到人喇,而家仲可免費獲得禮品𠻹!

1) 只要於指定社企Like 社企 及 「社企 ‧ 有社會使命的企業」Facebook @sehk.gov.hk 就可免費獲得Nick The Robot Kraft Paper Notebook collection;

2) 於指定社企買滿HK$50 或以上,並拍攝該社企產品或店面、上載至你自己嘅Facebook 並Hashtag #我支持社企,即可免費獲Nick The Robot Tote Bag。

點揾呢D社企? 按此: https://www.sehk.gov.hk/pdf/promo2021.pdf 

Nick The Robot 外型可愛,其實係創作人李浩迅(Orson) 走出失去至親陰霾後設計,希望以過來人身份勉勵他人樂觀面對逆境。

 Nick The Robot Kraft Paper Notebook collection

Nick The Robot Tote Bag

「本地薑」素食店
網址: https://s.openrice.com/QrbS03ha800~dYKKSilyW
地址: 灣仔景星街8號地下
電話: 90628345

farmfresh330 大圍店
地址: 沙田港鐵大圍站大堂20-21號

farmfresh330 金鐘店
地址: 金鐘道93號金鐘廊1樓B07號舖

farmfresh330 屯門店
地址: 屯門港鐵屯門站大堂45-46號

客戶專訊
本月熱門
【2024生日優惠】持續更新!4月壽星嘆巴日Fusion菜享「年齡折扣」
2024-04-05
香港必食燒鵝餐廳推介 荔枝柴香煙燻燒鵝、香氣十足陳皮燒鵝
2024-04-04
【隨時更新】零食速報 每周新款零食、酒品點評
2024-03-26
關注組推介沙嗲牛 世一回歸、大圍多選擇
2024-03-27
4大麻糬波波店推介 熱賣菠蘿脆皮波波、紫菜肉鬆拉絲芝士麻糬口味
2024-03-26