【優秀開飯熱店大賞2022】最愛儀式感 全民熱棒西餐廳精選
6天前

世界各地嘅奇珍料理都匯聚喺香港呢個美食之城內,呢度曾經日夜都係燈火璀璨,無論幾夜都總能夠喺街度搵到嘢食。可惜呢幾年受疫情影響,加上多項防疫措施令到呢個美食之城,變成冰封之城。要將冰封之城再次燃亮,除咗靠業界努力外,最重要都係靠大家嘅支持,集合力量燃起「美食之火」!6月15日,一人一票,完成任務,喚醒美食之城!投票支持心水熱店後,更有機會贏取獎品總值超過30萬!


無論情侶慶祝定朋友聚會,有時想食好啲,西餐都一定係好選擇,皆因西餐選擇多嘅同時仲可以有好多變化,而且裝修仲各有特色。今年入圍嘅10間西餐廳,有精品咖啡店、英式農舍風格同日式扒房等等,一於逐間睇下有咩咁吸引:


西餐廳結合頂尖藝術空間  Lex Coffee

 圖: 七彩蝦片

鍾意去靚靚咖啡店同相機食先嘅你就啱晒~呢間藝術風咖啡店牆上掛滿唔少名畫,門面為落地大玻璃,空間感十足,環境舒適。招牌安格斯高級肉眼牛扒質素可以媲美好多高級扒房,肉質鮮嫩,juicy又有油香,牛味好濃郁。龍蝦意大利飯都係另一主打,意大利飯用龍蝦汁煮成,味道非常香濃鮮味,飯粒軟硬度適中,龍蝦肉質鮮美彈牙,絕對值得一試!甜品Tiramisu係每枱必叫,咖啡同酒味都恰到好處,係一份出色嘅Tiramisu。

情調值 ❤️❤️❤️
慶祝氣氛 🎉🎉🎉


英式農舍風格 The Salted Pig

圖: msmeoww

好多西餐廳都會以牛為主,但呢間充滿傳統英式農舍風格嘅西餐廳就主打豬肉,如德國鹹豬手、慢煮脆皮豬腩同醬燒豬肋骨都好受歡迎。招牌德國鹹豬手嘅豬手經過三日三夜嘅鹽水沉漬,然後低温慢煮再高溫油炸,先達到外表酥脆內裏軟嫩嘅高水準效果,鹹香惹味,芥末籽忌廉汁又令味道更有層次。另外亦有供應牛及海鮮等菜式~

情調值 ❤️❤️❤️❤️
慶祝氣氛 🎉🎉🎉


精緻日式法國菜 GAIJIN

圖: 啊蛋

好適合情侶慶祝特別節日嘅餐廳!餐廳主打法式五道菜晚餐,包括餐湯、兩款前菜、主菜及甜品等。每一道菜式都選用最時令食材,充滿誠意。如來自日本岩手縣嘅令和之怪物蠔,肥美飽滿,口感清爽又鮮甜!香煎法國鵝肝入口即溶,充滿油香。而主菜有廚師精選意粉、日式海膽汁海鮮意大利飯等,雖然每月都會更換菜單,但相信每一味都唔會令你失望。

情調值 ❤️❤️❤️❤️
慶祝氣氛 🎉🎉🎉🎉🎉


西日Fusion小店 叁嘗

圖: vanessafoodiary

位於天后嘅西日Fusion小店,由三位年輕人合作開設,設有乾花天花及霓虹燈打卡牆,燈光昏暗更顯情調,適合情侶拍拖。推介美國牛板腱配薯條,牛味濃郁肉質軟腍,大份又抵食。叄嘗卷用粉紅色米紙包住辣味吞拿魚、炸蝦、牛油果、蛋黃醬,無論味道定口感都好豐富。心太軟都令人喜出望外,用左超濃郁嘅黑朱古力,配埋抹茶雪糕,兩樣都帶苦澀味但好夾!

情調值 ❤️❤️❤️❤️
慶祝氣氛 🎉🎉🎉


特色燒雞及薄餅 OMG Chicken

圖: tracy19950103

價錢較親民、食物質素又唔錯既餐廳~主打烤雞及薄餅,推介法式蜜糖汁烤雞,外皮烤得香脆,充滿蜜糖甜味,上枱熱辣辣,咬落好juicy!另外仲有日式照燒汁及川味麻辣等口味~薄餅都有好多口味,如辣肉腸薄餅,係薄批底,食多兩塊都唔會太漏。而且好足料,辣肉腸鋪滿成個pizza,每一塊都會食到一塊完整嘅腸,仲有兩層,好正!

情調值 ❤️❤️❤️
慶祝氣氛 🎉🎉🎉


另外5間入圍嘅西餐仲包括KOKO Coffee RoastersMamadayCobber Coffee and Tonys Pastry齋啡部屋咖啡室,揀啱就快啲去投票啦,投票有機會獲得豐富獎品,要知道,你哋每個人嗰票都好重要,係喚醒美食之城嘅重要力量!是次投票分為兩個階段進行,共四個投選組別。每完成一組投票/回答問題(簡稱「任務」)皆可取得火炬,累積滿4枝火炬或以上即有機會可獲$100 OpenRice現金券獎賞!完成所有任務並累積滿6枝火炬,更有機會贏取豐富獎品!


活動詳情(按此
立即投票(按此

想支持心水餐廳,記得注意返投票日期:
菜式組別: 2022年 6月15日 - 6月28日
地區組別: 2022年 6月29日 - 7月12日
外賣自取及訂座組別:2022年 6月15日 - 7月12日


關鍵字
優秀開飯熱店
菜式組別
西餐
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2022生日優惠】持續更新!6月壽星免費嘆生蠔/清酒
2022-05-31
【隨時更新】最後倒數!2022即將結業嘅人氣餐廳
2022-05-30
5月份好評餐廳十強
2022-06-06
酒店新出「北歐神話」下午茶 10款鹹甜點色彩繽紛 多款海鮮入饌
2022-06-10
香港4大Crêpe推介!M9和牛可麗餅、蘋果金寶奶油醬口味
2022-05-31