由大阪起源的雪糕拉麵黎左香港喎！ 無得去日本住，吊下癮先✨⬇️ 日本網絡人上的分享文章： https://search.yahoo.co.jp/amp/s/rocketnews24.com/2022/01/19/1590706/amp/%3Fusqp%3Dmq331AQIKAGwASCAAgM%253D 期間限定的“甘辛miso”選單。 由於其吸引的外表，一登場就在SNS上引起了話題。 在大阪成為話題的拉麵“甘辛miso”就是把市場上賣的霜淇淋直接放在拉麵上。 而香港的人氣拉麵店「一生懸麵」亦和甜品店「想甜嚐甜」合作推出港版雪糕拉麵，將花生醬味雪糕放入辛辣湯底拉麵中。 雖然菇菇見到好多foodies都去試過，但感覺兩種配搭怪怪的。不過有身邊既朋友仔試過話又幾好食喎，所以趁住空檔即刻又走去試下！ 菇菇去左九龍灣既分店，去之前先打電話問仲有無得食先。但因為咁岩係lunch hour, 所以去到已經坐到滿曬，好彩仲有得食，即刻排隊等，等左都唔係好耐就可以入座了！ 究竟有無中伏呢？ 答案係都幾唔錯既感覺 花生醬味既雪糕和辛辣湯麵都好夾，初時未去前都好驚，覺得怪怪地，但原來甜和辣食起都無違和感。 拉麵都彈牙，配菜如竹筍（粗身的更愛）、流心蛋、叉燒都好食，唯一係覺得湯底醎左少少，而辣味係越食越辣，食完有d眼濕濕（笑）

最初係將軍澳開既時候真係好多人排隊試，隨著熱潮退後，已經唔難搵位。 由於即叫即製，所以要等一陣，但每次上枱既擺設都好吸晴。 試過幾次食唔同既野，本身menu既選擇都幾多，主要特式係天婦羅炸物既唔同配搭。 天婦羅整體上都脆口和新鮮，天丼係日本都算係平民之選，黎到香港價錢會貴少少但都可以接受。而且份量以一個女生黎講已經好夠飽。 本身都鐘意佢成set有埋前菜既配搭，玉子和蝦仔都好味道。而且侍應生服務都好好，不過外賣真係未試過，唔知番到屋企d天婦羅會唔會已經唔脆🤔

今次重臨一樂再食燒鵝脾瀨粉，因為真心覺得好食，所以同個日本朋友黎食。 雖然鵝脾既價錢比較貴，但食落味道真係好正！皮脆唔肥膩，瀨粉而家唔係咁容易係茶餐廳食到，所以點都唔轉米粉或麵，佢地果湯底和梅子醬係食燒鵝既最佳配搭。 腐乳通菜當造，所以都要試埋，反而果凍o茶就一般般。 一坐低兩位靚姐已經好熱情，服務好好，仲成日問我地好唔好食，可能我果朋友係日本人，好奇心下佢地又講多兩句，我果日本朋友都話好好食，仲想下次再黎試其他野食。

因為工作關係，所以盡量會揀番觀塘區的食肆。呢間食過好多次，亦介紹過俾唔同既朋友試，大家食完都覺得正。 由刺身丼、壽司、鰻魚飯、串燒、飲品甚至omakasa都試過曬！ 當中最鐘意omakasa, 因為最貴果兩set當時做緊第二位半價，所以除番開大約$500一位，好抵食！份量仲唔少，有刺身、壽司、手卷、湯、蒸蛋、甜品等。刺身中的拖羅入口即溶，海膽黎自北海道既赤膽都十分鮮甜。 至於lunch set既選擇都多，但價錢係偏貴，所以就觀塘工廈區黎講未必咁多人捨得食咁貴，而且觀塘區真係有好多其他選擇！ 至於點解我會一食再食，係因為呢區比較好既日本料理，佢係一個好既選擇！而且服務 也好！ 唯一食過既鰻魚飯，因為加左山椒粉係面，我唔係好鐘意果種麻味，所以應該唔會再揀勒！

大家有幾掛住日本？相信好多日本迷都同🍄🍄一樣好掛住日本既美食。 於是大家都會去尋找失樂了的日本情懷。 最近呢間位於北角的餐廳推出了歧阜富有柿的Afternoon Tea Set, 正值而家係日本柿既當造季節，配合日本秋祭，真係來得合時。 🍄🍄記得兩年前在東京留學剛好就是秋天，而🍄🍄特別喜歡日本柿，和中國柿唔同既地方係甜度和硬度。中秋節食既柿係好『林』、皮好軟；日本柿皮硬、爽口、甜度適中。🍄🍄到食品館入貨時必定買一袋回家，平又正，不消幾日就消化了。回香港後，就是不捨得，最平都要約$30一個，貴的可以去到$40-50。所以當見到呢間餐廳推出了限定歧阜富有柿tea set, 加上價錢CP值高，所以立即訂位。 訂位時需先付訂金落實，2人同行$398加一服務費，需要先銀行過數$200 🍄🍄還詢問了什麼位置打卡最好，如果大家想坐戶外，景觀也很不錯！有海景、園景做背景；但若果想坐室內的話，可留『窗口安全位』，可以望到出面風景，又坐大梳化位，自成一角，談心也很適合！ 餐牌上有鹹點和甜點。鹹點有迷你蒲燒牛肉漢堡、鵝肝醬慕絲伴日本富有柿、日本雞蛋三文治、巴拿馬火腿配富有柿；甜點有富有柿布丁蛋糕、牛乳啫喱配富有柿魚子晶球、富有柿棒棒糖、日本富有柿乾果穀物棒、英式鬆餅配忌廉及富有柿果醬。 包咖啡或茶，如果加$35可以升級要富有柿乳酪特飲。 呢一個Tea set食物嘅份量就唔算太多，但係打卡都一流的!至於食物質素都不錯！日本富有柿真係好甜好香同埋多汁，🍄🍄除咗喜歡富有柿嘅特色食品之外，特別喜歡嗰個迷你牛肉漢堡，牛肉好惹味，舊牛肉雖然好似好細，但其實嗰份量都好足夠，十分回味！ 一場黎到當然加$35試埋果特飲，係將富有柿肉打勻加梳打，再有少少乳酪珠珠。由於🍄🍄唔食乳酪，所以當時就要求不加了！ 手機先食左一輪後，戶外和戶內都不停拍照，最驚喜的是竟然有一個很可愛的歧阜柿吉祥物吊飾（歧阜のかきぼぼ）作為紀念品。 供應期有限，有興趣的記住預約訂位呀！

🍄🍄知道最近K11Musea 開左間好有特式既餐廳，適逢打完風第二日天氣好好，點都要出去散下心！ 這間餐廳位於五樓，原來餐廳唔算很大，一眼就望曬，但就被佢既設計深深吸引住，眼睛去旅行呀！好感動🥺😭，太掛住旅行勒！ 其實🍄🍄係同朋友一齊試佢既Wanderlusling Afternoon Tea 既 首先，先黎36個月伊比利亞火腿拼盤，多士仔配火腿好開胃！ 三層Tea 最頂層係頂級魚子醬，可以配埋其他配料如蛋絲、洋蔥、沙律醬等加在一塊細細的薄包上，魚子醬係好鮮味😊😋😋 中層係醎點為主：有西班牙炸蝦多士、雞亦仔、炸迷你池魚、酥炸蟹鉗、炸牛油果配蟹肉、炸鮮蠔、燒魷魚等。雖然感覺這一層食物係大路野，但🍄🍄覺得幾好味！ 最底層係甜品（廚師發板四款無得揀）有檸檬芝士蛋糕、無花果奶油蛋糕、車厘子奶油酥、網紋蜜瓜奶油蛋糕，感覺甜品味道一般！ 意外驚喜係自家製香蕉和藍莓士多啤梨窩夫，窩夫脆口，整體份量剛剛好！ 最後飲品都係咖啡、茶果d啦！🍄🍄點左ice latte, 味道都唔錯！ 食物質數係可以既，最重要係個環境好有旅行feel, 但訂位時最好選擇坐在螢幕前，因為可以拍到較好的照片。 螢幕上會定時轉不同的風景，例如有巨大海龜、海洋世界的漂亮魚兒、有歐洲風情的景色、有夕陽美景、最後也有香港東方之珠的夜景。 如果停留的時間較長，就可以看到不同的風景，這樣就像是眼睛去旅行一樣，好像去了沖繩的水族館、歐洲寫意的街頭，給現在我們不能去旅行的一個好好慰寂的地方，值得推介！

原先稔住再番試同一商場內的日本料理小店，但經過這間cafe, 見平時也頗多人流，所以就試新野。 cafe既設計不錯，特別喜愛角落位的大型狗狗牆。好像最近的cafe很普遍利用app點菜🤔，因為不太肚餓，所以點了一個牛油果芒果蟹肉沙律($128)加ice mocha($21), 咖啡會清楚邊隻豆或可以升級揀豆，這樣的服務頗貼心。另一貼心之處是有叉電位，就cafe來說是比較少見, 所以當下是加了分。 上菜也不用等很久，服務員也很有禮貌。沙律上枱時是有驚喜，差不多全綠色的設計，擺設是很有心思，急不及待吃下去，頭幾啖也沒有什麼，再吃下去，感覺有點苦澀，於是我問服務員是怎樣做這道菜；後來應該是較高級的職員解釋因為旁邊的火箭菜是帶一點苦味的，所以可能我吃了會覺得有些苦，他說如果不喜歡的話可以換過一個新的給我，感覺服務態度是很好的。但當時我就說不用了，因為我擔心自己搞錯了，所以我嘗試吃那些火箭菜，但是我發覺那些苦不是剛剛那個牛油果加蟹肉那種苦味；好可惜當我再吃的時候，發覺蟹肉也有一點點的酸味，於是我就放棄了。 為什麼我不要求換一個新的？一來我根本都已經吃不下去，二來換也沒有意思，所以我也沒有要求再換！ 然後我再喝那個ice mocha,感覺就是很一般的味道。 離開店之前，我在想應不應該再向職員反映，但見他們也很忙碌，就算說了也無補於事。 這間cafe的價錢也不便宜，一個沙律不包飲品，加10%服務費要差不多$170, 所以我應該不會再去第二次了。

將軍澳區要找一碗有東京味道的拉麵真的很難。 呢間裝修有日本拉麵店的特式，亦都係吸引🍄🍄去試的原因。而且menu既選擇都唔少，第一次食還是選擇人氣之選的拉麵。 黑蒜熟成濃湯拉麵，麵可以選擇軟硬度、同埋要唔要某些配料或加多配料份量，呢樣同日本某些拉麵店一樣。🍄🍄就選擇麵條要軟一點的，另再加$12筍乾。 筍乾係屬於幼條形，和東京食開粗條的不同；當然🍄🍄是偏好東京那款粗身和醃好的筍乾，爽脆又美味🙂麵既湯底味道唔算特出，麵條因🍄🍄選擇較軟所以唔會係爽口口感。叉燒得一舊味道偏淡，唯一流心蛋較好食，整得較好！ 另外一款柚子拉麵，好適合夏天吃，柚子味酸酸地較醒神開胃。 呢間仲有飯團賣，🍄🍄買左兩個，試過後都應該唔會再買第二次😉，不過$10又真係幾平既！

之前因為睇到網上食過既人話係隱世小店，於是就稔住去試下支持下。 有時🍄🍄會懷疑對食物既要求會唔會因為私人情感而加左分呢🤔？ 鋪面面積不大，見到menu既海鮮丼都好吸引，所以叫了兩個丼飯黎試！海鮮丼上枱賣相不錯，但是味道真的好一般！特別是加了太多醋，整個飯比較酸；不過刺身也算新鮮的。本身喜歡吃海膽，所以另外再叫了一客海膽壽司，味道都是一般，海膽有點苦！ 另外叫了一個溫泉蛋照燒雞肉飯，沒有什麼驚喜，不過不失！ 反而燒雞亦調味和燒既程度掌握得幾好，呢個幾好食，亦燒得很脆口。 有時網上吹噓得很好吃的店，真的要親身去試下才可分辨真偽，當然每個人的口味不同所以評價都會有異。但對於經常吃日本料理的🍄🍄，真心覺得有點失望！

🍄🍄每次經過鴻圖中心，就被裡面一幅壁畫所吸引，好好奇到底係食乜野架呢？因為壁畫既內容感覺係好有渡假feel既歐洲🤔，有海、有風車，又有d似希臘既海邊小屋；然後樓梯上面又有個美女係窗邊同你打招呼！ 之前好似係食西餐，但又變左成日本丼飯，仲要係JR駅🤷🏻‍♀️，Anyway, 就係吸引到🍄🍄入去望一望！ 因為係下午茶時段，所以d丼飯都好抵食，🍄🍄好鐘意食燒魚，所以叫左一個燒鯖魚丼，加一個黑糖檸檬茶（覺得呢個口味幾特別）再追加兩隻明太子雞亦—全部拎走！ 等既時間唔耐！影完相就差不多了。 拎番公司慢慢歎，打開既時候，燒鯖魚又幾靚仔喎，仲有紫菜碎和酸黃瓜。條鯖魚又幾大條，配埋果飯既醬汁又真係幾好食！明太子不嬲俾人覺得醎，但呢兩隻雞亦味道ok喎，亦炸得香脆！ 至於飲品方面，初時覺得幾淡，可能因為個杯太高，而支飲筒太短，攪唔得勻，d黑糖聚左落果杯底，但飲到後尾既味道係幾特別既，有黑糖既甜味，而茶本身有一種淡淡既香味，唔似平時係茶餐廳飲果d🤔，份量真係幾大杯！ 以一個外賣黎講又真心不錯！可以再encore 試下其他款式👍