係琴日星期三的晚餐~

同老公討論晚餐去哪食, 我照例上openrice睇一睇, 跟住見到呢間好似唔錯, 反正係銅鑼灣就晒腳, 於是同老公決定來呢度試試~

來到巳八點幾, 不用等位巳有得坐, 一問之下原來係大廈裝修還是什麼, 剛剛才恢復營業。 環境幾OK, 唔迫, 侍應態度不錯, 坐低已經比杯水我地先, 等我地慢慢睇MENU。我地點左兩個SET DINNER, 我既係蕃茄醬海鮮燴飯, 而老公叫左雜菌雞柳長通粉, 另外前菜就一個係薯角, 一個係之前係OPENRICE有人讚過既炒雜菜。 等了一陣, 兩個前菜已經上左, 跟住主菜就係前菜差不多食完一個個上。
大家真係無介紹錯, 個炒雜菜好味, 好香又唔會太油。雖然只係前菜, 但份量OK。薯角好脆, 配既醬有少少辣, 幾惹味。
我既海鮮燴飯上先, 份量唔算大, 一個人就剛剛好, 味道同料都無令我失望。之後老公個長通粉到左, 試左少少, 味道很不錯, 好CREAMY。 份量都係一人用, 女仔就一定夠, 但我老公平時食二碗飯的就會差少少。 所以之後再叫了個CREAM BRULEE做甜品, 老公話好味,我食埋就真係好飽。

最後提一提洗手間, 真係幾乾淨, 女仔去會覺得衛生程度好滿意。 不過老公話男洗手間到門有D難開, 佢地要搵人整下先得~

來吃午飯，午市時算還好, 不用等即有位~
菜牌就印在餐紙上，一目瞭然。檯上亦有一個搖控按鈕裝置，要點菜/加水/結脤一按便有服務員來招待，這個設計也真有趣和方便。點菜方面，由友人代勞，要了椒鹽豆腐、白咖哩豬扒金邊粉, 沙爹牛肉粉 及炸魚凍檬。

椒鹽豆腐一客四件，體積不小。用較軟身的豆腐去做，炸了的表皮沒有金黃香脆的樣子，也看不出有椒鹽的踪影；再用筷子一夾，感覺偏腍。我說這個橫看豎看也不像是椒鹽豆腐，友人卻頗欣賞，還笑說不將它當椒鹽豆腐，而當是「沙爹王特式豆腐」來吃，是不錯的。那單計味道來說，確也不差。白咖哩本以為是撈的，原來放湯做。先呷一口湯，椰汁味香濃，味道溫和，不太辣；配上滑溜的金邊粉，頗討好。豬扒是炸的，切得薄薄，雖然用化學品招呼過，可幸還有香茅的味道，醃得不錯。炸魚凍檬的炸魚就相當不濟，不熱，過份薄身，鞋口，還有點腥。大家都認為既然「吃之無味, 棄之亦無須可惜」，決定不碰；卻著玩將魚塊原裝堆砌成一碟小吃，然後拍照，更笑說拍出來的效果簡直惹人唾延，哈！凍檬看似太乾，但撈起來卻又剛好，撇除那個炸魚配料，整體分數可以高一點。

這裡的榴槤甜品，也是我們到訪的另一目的(其實之前已想過專誠來吃)。一問之下，卻原來只得榴槤飄雪，還只剩一客，那當然也不能放過！這道甜品賣相簡單，是一塊凍的糯米皮包著忌廉及一塊類似榴槤雪糕的物體。一吃之下，原來也不錯，榴槤香濃，糯米皮看來過厚，吃起來卻又軟熟煙韌，只6元一件﹝10元兩件！﹞，誠是便宜又好吃，難怪時間尚早也只賣剩一件，值得一試。

新高麗苑

朋友介紹新高麗苑D午飯好抵食，佢係大胃王都話食得好飽，今日一於帶埋同事一齊去試吓。

餐牌上有幾款$39套餐, 有豬肉、豬扒、牛肉、雞肉、蛋包魚，仲有雜錦飯，一時唔知點選擇。問waiter，佢介紹蛋包魚，而我就order咗雜錦飯，係朋友介紹嘅！

先來了兩碗胡椒湯，好重胡椒味，都幾特別

再來四碟前菜，分別有靑菜、炆薯仔、酸青瓜同芽菜，其中靑菜同芽菜同我order嘅雜錦飯裏面的配菜一樣，無癮！反而炆薯仔、酸青瓜very good，食完後問waiter啲前菜有無得揀，她說原來係可以換嘅，蠢咗！

主菜蛋包魚都算對板，啲魚幾厚，應屬龍脷之類，唔算好滑，但亦唔“鞋”，外皮係煎蛋，幾香；反而雜錦飯就只係普通嘢，無乜好講，不過不失啦！反而見隔籬枱碟牛肉賣相唔錯，正所謂隔籬飯香嘛！

甜品有花奶jelly，同自己整嘅差唔多。

連加一，$43一位，可以食到有湯、有前菜同甜品嘅韓國餐都算係超值啦！