鍋處 今日放假喺東涌附近遊覽，夜晚就去左東薈城行下街順便搵野食。其實東薈城餐廳好多，有好多選擇，但就係見到呢間鍋處，有放題打邊爐選擇，仲要價錢唔貴，於是就揀左呢間試一試。 我揀左澳洲安格斯牛肉，中等價錢，265蚊位。每人可以揀一個湯底，一人一鍋都幾唔錯，仲要坐得舒服，位置都好寬敞，第一次黎感覺唔錯。 好快店員已經上湯底同牛肉，湯底賣相唔錯，味道亦香濃，而安格斯牛肉同豬肉就咁睇已經好靚，食落肉味濃，唔太肥，唔韌，肉質唔會太淋，我自己認為係出色既。呢度添肉就要叫店員拎肉俾你，要幾多碟都得，食完店員亦好快會收左D食完既碟，唔會阻住晒D位。 講返配菜方面，出面有個好大既自助沙律吧，蔬果新鮮選擇多，亦有不同丸物可以揀，都非常之唔錯。調味料方面都有D特別既地方，有不同風味既豉油同醬料可以選擇，唔怕麻煩可以走多兩轉，試下配不同口味。 飲品同埋甜品方面都係自助形式既，凍飲品就喺雪櫃自己拎，有糖冇糖選擇都有。想飲熱飲可以自己沖杯熱茶，亦有幾款不同茶可以選擇。甜品就有兩邊雪櫃，一邊就有D布丁，紫薯呢類既手工甜品，另一個就係雪糕櫃，有幾款雪糕同雪條俾你揀，選擇算好多喇。 總括而言，我認為鍋處真係一間高質火鍋放題，性價比高，值得推薦。

堅韓牛韓燒放題



今日喺旺角附近收工，非常肚餓，好想食大量既肉肉黎補償返自己一日既辛勞。其實冇乜點諗就決定左去左呢間堅韓牛食燒肉放題。



晚上7點上到去唔太多人，位置鬆動，職員幾有耐性，慢慢同我介紹個餐牌。套餐有3個Level，見到Level 3有日本A4和牛肉眼，仲有埋真正既韓國1+腩包肉，係就係貴少少，不過真係太耐冇去旅行，好想重溫喺韓國食韓牛既滋味，咁就揀Level 3啦。








個爐都未熱，D肉已經上枱，睇得出每一種肉既質素唔差，但因為個爐未夠熱，我就先食住D小食同刺身先。







小食有炸洋蔥圈，炸雞塊，炸雞軟骨，炸魷魚，炒牛肉粒，賣相都幾唔錯，特別想讚係呢個炸魷魚，真係外脆內軟，令我食唔停口。刺身方面，我最喜歡既三文魚同甜蝦都唔錯，都係新鮮好味既。





試完小食梗係開始燒肉環節，呢度既燒肉係自己調味，自己落岩鹽同黑椒，我先燒左豬腩片，肉眼同埋牛肋條，豬腩片燒脆左真係好香好好味，配埋泡菜再用生菜包住一齊食，非常出色。而肉眼同牛肋條牛味非常濃郁，而且肉質偏軟身，但仍然有咬口，十分好味。



最有驚喜係呢個韓國1+腩包肉，上枱放喺度已經好吸睛，呢個肉真係唔洗燒太耐，兩面燒到微微金黄色，加少少岩鹽，就咁直接放入口，你唔需要咬已經溶化左喺口入面，滿口油香，呢種體驗無諗過喺呢度食到，真係俾喺韓國食更加出色，突然覺得呢個價錢有咁既享受，都算超值喇。



之後我都停唔到主攻呢款肉，連甜品都冇食到，但真係非常滿足，真心推介可以一試。

犇殿台式火鍋 今日喺青衣呢邊行街，行到攰最好梗係揾個最方便搭車又舒服既地方，於是決定喺青衣城入面揾食，食完方便坐車返屋企。 青衣城餐廳都唔少選擇，而我喺三樓就見到呢間台式火鍋放題餐廳‘犇殿’，可能耐冇行所以完全唔知道開左呢間餐廳，睇下個餐牌唔太貴就立即入場坐底，見到都好多人黎排隊攞飛，相信都應該幾受歡迎。 坐底之後，發現位置非常濶落，而且日式裝修非常舒服簡潔，餐廳乾淨，空間感大，完全有高級餐廳感覺。我叫左澳洲黑毛牛肩胛肉既放題套餐，配御膳麻辣湯底。叫完就可以走出去自助區拎下D小食同飲品。 小食都有好多款式，大部份係台灣最吸引既小食，我極力推薦D滷水野同埋台式烤腸，真係好出色，唔小心未黎主菜已經食多左。飲品櫃都有好多選擇，有各種汽水同其他不同飲品，我特別要介紹下佢兩款特色茶，就係白桃烏龍茶同玫瑰紅茶，係我自己覺得好香好好飲，大家都可以試一試。 麻辣鍋一上已經聞到湯底好香，但又唔係辣到要咳既果種感覺，再用手機掃張單上面既QR code點肉同其他配料，款式選擇好多，雞肉、豬肉同牛肉都好高質，特別仲有埋海鮮可以揀，特別係有斑片、蝦可以而且都好新鮮，質素非常高。一定要讚既係佢上菜速度快，而且上既菜係準確同啱數量，唔會好似某D放題係靚既就遲遲唔黎，其他野叫少少最後黎一大堆果D老土野。 麻辣鍋辣味夠香唔會死辣，自己落埋D蔬菜同鴨血，完美。再加埋D肉類海鮮新鮮質數高，其實點都會好味，叫幾多食幾多自己控制，係睇下你肚量夠唔夠挑戰極限姐。 總括而言，價錢合理，食物水準高，環境乾淨舒適，性價比高，可以值得一試。

麗香園冰室 呢間餐廳位於粉嶺華明邨，因為要轉車既關係去到華明邨巴士總站，去到已經天都黑晒，又熱又渴又餓咁，不如坐底食左飯先，順便休息下。 我一開始以為係普通茶餐廳，諗住快快手所以先揀呢間，坐底之後發覺原來唔簡單，裝修幾有舊式茶餐廳既氣氛，但同時亦冇左舊式餐廳果種老氣同油膩感覺，全部卡位坐得舒服，亦非常乾淨，淨係咁我已經好滿意。 之後原來係用QR Code落單，入面有好多選擇，非常方便，唔洗人等你講又要寫咁麻煩。咁我就揀左煎封黄花魚，地道霸王雞，一個家常小菜二人餐，有湯，有白飯，揀多兩個餸有椒鹽豬扒同欖菜肉崧四季豆，最後緊係唔少得兩杯凍檸茶啦。 呢頭落完單，已經上左白飯同湯，好快手。湯飲左兩啖就上左煎封黄花魚同地道霸王雞，估唔到咁快。 煎封黄花魚，皮脆肉軟，估唔到有呢個水準，加埋個豉油真係好出色，食到魚既鮮味。 而霸王雞亦唔差，做到皮爽肉嫩，唔會鞋，個蔥油先最香，淋左喺面頭香噴噴，真係追住食。 之後上埋椒鹽豬扒同欖菜肉崧四季豆，椒鹽豬扒夠鑊氣，夠晒香口，炸到外脆內軟，唔乾身，送飯就一流。 而欖菜肉崧四季豆亦炒得好香，四季豆同肉崧味道好夾，唔會太油，非常美味。 呢問餐廳算有驚喜，幾個簡單小菜有住家飯味道，有機會可以再食過。

梨滿園韓國料理 呢間餐廳位置喺科學園，就喺17W一樓位置，本身果楝商場已經有停車場，揸車去的話好方便。喺呢個大廈入面感覺好舒服，有好多可以坐下休息下既地方，而呢間餐廳亦正正位於扶手電梯附近，好輕易就揾到。 入到去發現係新裝修，非常乾淨明亮，完全冇燒肉店果種油膩感覺。店內全部都是卡位，私隱度很高，坐底之後就可以用電話掃QR code自行點餐。我揀左燒肉放題，大部分既食物都可以隨意選擇，而且選擇好多，對我黎講已經非常足夠。 食物選擇有好多，有熟食，亦有燒的生肉；熟食有前菜類，例如泡菜、菠菜、芽菜等，之後可以揀刺身，三文魚好好味，係新鮮肥美；仲有炸雞、炸蕃薯、炸南瓜、炸餃子、韓式飯卷等，非常美味。而燒肉選擇方面，我推薦牛仔骨，非常入味可口，另外亦有豬頸肉、牛肩肉、雞肉等等都非常齊全。如果覺得D肉太油膩可以攞D生菜包住食，咁就唔怕喇，生菜好脆好新鮮，質素唔差。 以上都只係一部分，唔好咁快食飽住，因為仲有海鮮同蔬菜，海鮮係非常新鮮，D蝦燒完仲係彈牙，都唔係細隻架，另外有帶子、青口等選擇，其實性價比非常高。仲有D金菇、冬菇、粟米呢D可以叫，燒起上黎都幾好食。 飲品都有好多款選擇，自己隨便揀隨便攞，選擇都唔少架，記得仲有甜品雪糕可以揀，唔好漏左呀。

La Postre 今晚去荃灣食飯，揀左間氣氛唔錯既餐廳，成間餐廳裝修得充滿住歐陸風情，喺度食嘢好似置身歐洲咁呀，非常有氣氛同情調。 青芥鮑魚 呢款菜上台已經好似一件藝術品咁，青芥凍配上鮑魚，加上烤香既餅皮既香味，夾雜點點的鹹，點一點黄芥令佢帶著少少辣，卻又剛好洽當，配合著鮑魚的鮮味一同進食，可謂非常特色的美食。 西班牙海鮮炒飯 熱煱一上來，空中彌漫著蒸汽混合辣椒粉的味道，彭湃的海鮮鋪既米飯上面，青口、大蝦、火腿新鮮美味，加上米飯煮得恰恰好，無半生不熟，無煮過度，軟硬適中，有輕微的咀嚼感，還有一點很重要，就是米飯松軟，無粘埋一齊，保持到每粒米飯的質感和光澤。 綠茶麻糬窩夫 甜品果然冇令我失望，雪糕同埋cream都好重綠茶味道，窩夫伴上糖漿、綠茶cream,，吉士醬再配上紅豆蓉和綠茶雪糕，非常美味，窩夫好大件，而且切開仲好脆，上面的綠茶味道唔會搶晒窩夫的味度，綠茶雪糕同窩夫就係似冰火一樣，冷熱交融。旁邊仲有粒粒紅豆襯托，味道突出又有咬口，值得推薦。 蜂蜜柚子莫希托 & 仲夏水果茶 本來我以為有了蜂蜜會比較甜，沒想到原來好健康，清甜剛剛好，加上柚子味道非常清新。仲夏水果茶生果種類多，新鮮水果同茶味好夾，加上外表吸引，係唔錯既選擇。

韓舍 幾個朋友不約而同話想食韓燒，上openrice search下，見到呢間食品種類幾多，openrice上的食評又不錯，便決定一試。 餐廳環境算是舒適，比很多放題店寬敞，四人坐卡位亦不覺擠迫，這個值得讚，餐廳就好似酒店式自助餐，有打邊爐的材料、冷盤、熟食、刺身, 就連 熟食都有好多選擇！有中西式的，還有蟹粥，粉，湯和糖水等，所有野都係自取。 養生鍋湯底超級足料，一入口就有濃郁的香味，為整個湯底提鮮不少，還有原隻豬手，肉質唔會老，配上大份量的配料，飲完大半碗湯都有少少暖胃嘅感覺，可能真係有養生功效。店員服務好體貼，每次都幫我地睇下水滾未，當一水滾便會幫我地拎開煲蓋，令我地可以暢快談天。 刺身有幾款選擇, 三文魚好肥美好甜，山貝好爽好鮮甜，希靈魚就平其他放題厚切左都好好味。三文魚腔既我，十分滿意依度既三文魚刺身！首先厚度足夠，紋理亦不錯，味道帶魚油味，入口即溶，無得輸啊！手做壽司一盆接一盆，都有幾種款式選擇，味道不錯。 呢度仲可以 diy 章魚小丸子、炒雪糕等，貪得意玩左個章魚小丸子，真係好好玩，墨魚同菜都係自己加，又可以自己控制，我燒得都幾脆，整得好好呀。 甜品方面，餐廳提供大量不同款式既甜品，除左雪糕，仲有不少糕點和多味奶凍！本人最愛的是大菜糕和牛奶奶凍！大菜糕夠甜，而且嗅落又香，自己食左吾少件。至於奶凍，口感滑滑的，又香口，令我十分回味呢！

阿爺粥品手工涮涮鍋 天氣仍然熱辣辣，最好食火鍋有冷氣喇，呢間阿爺除左有粥底火鍋之後，而家仲有男士同女士最都啱嘅美顏花膠雞鍋，一個價錢就已經有花膠雞煲及40款嘅配料任食，仲有新鮮海鮮，真係好正呀！店內都是卡位為主，坐位闊大，我們坐4-6人卡位。 湯煲上來了，個湯真係隻雞大大隻，而且又有勁多花膠，好足料，仲以為係一件件斬晒件嘅雞煲，但原來係全隻雞上枱架，而且都唔細隻架，入面仲有好多好大片的花膠，真係好正呀！而且花膠已經煲到好淋，上到枱熱返就已經食得了。每位仲有鮑魚一隻，貴妃蚌一隻，海花蟹半隻、乳龍蝦半隻同埋手切牛肉添，我地一行四人，海鮮就有咁大盤。 第一樣就係跟餐送的手切肥牛，每片的大細都相仿，而且紋理清晰，薄薄的一片，灼一灼就食得了。而最主打的還有海鮮拼盤，分別係龍蝦、蟹、鮑魚同貴妃螃，樣樣都好新鮮大份，真心吸引。螃肉非常新鮮，而且都好厚肉。花膠湯底配搭著，又鮮甜又入味。美國牛肉，手切牛肉，黑豚肉亦非常高質，唔可以錯過。 另外，當然最吸引就係新鮮龍蝦。美顏湯底配龍蝦，既可帶出鮮甜味，又可以食到實實的龍蝦肉。 唔太鐘意食肉丸的我竟然覺得手打牛丸相當不錯，口感彈牙香口，非常好吃！ 紫菜響鈴真係超喜歡，食咁大塊紫菜包都裏面的響鈴，又香又脆，好美味呀！ 最後當然是推介飲品啦，每位加$30就可以飲品放題了，點了一杯沙冰，非常冰凍。一路食一路傾都飲左幾款沙冰了。 整體來說，餐廳火煱高質和食材用料新鮮，唔洗好貴就可以食到生猛海鮮，性價比非常高！

友緣西餐 元朗區一直都有很多美味的餐廳，Forever 係其中一間， 裝潢簡約，以灰銀白色為主，餐廳的座位空間合理，坐得舒適。我已經唔係第一次黎，係特別喜歡餐廳中央的水晶吊燈，加上燈光的效果就是很美，而且還有些波波吊飾，怎麼影都美，甚有情調。 黑松露餐湯，十分之喜歡呢個湯，勁香黑松露味，口感creamy唔稀身，每啖湯都帶有什菌，口感非常豐富。 餐廳還有優惠可加一元就可品嚐一款小食分別有挪威煙三文魚沙律，大蝦伴薯容。 大蝦肉汁彈牙，薯蓉香口惹味。沒有失望，絕對超值。 煙三文魚沙律，雖然份量不是很多，但一個人真的很夠。 餐包係熱辣辣嘅丹麥多士，外脆內軟，牛油味香濃。 小食叫了水牛車打芝士雞翼， 醬汁比較獨特而帶點微辣，也沒有雪藏味， 配少量沙律，非常開胃。 紐西蘭頂級肉眼，叫左七成熟，牛肉鬆軟，牛味重，呢個價錢都算非常超值，所以呢個扒做得好好， 肉質結實牛味重，肥肉少、筋部少，用刀輕鬆就能把牛扒切開，肉汁豐富，原汁原味。 黑松露帶子意大利飯,，一大片煎香既帶子置於飯面，十分吸引，伴碎黑松露於飯中，黑松露混以黏稠濕潤的意大利飯中，每一口都帶有松露香味，口感更為綿滑細膩。 甜品揀左表面烘得焦香的法式焦糖燉蛋，外脆内滑，蛋味濃而幼滑。最妙是表面那層焦糖，咬落去咔嚓一聲，又香又脆。 另外有好多特飲可以選，只需加10 蚊就飲到! 我叶左綠色嘅永恆寶石，青蘋果味好醒神好清新， 入面重有小小爆珠，味道唔錯。 餐廳環境好寧靜，亦好闊落，食物整體都好有誠意，服務亦不錯，十分抵食。

花見月 在商場或鬧市食飯一般需要排隊，如果選擇遠離鬧市的地方，在這里就非常適合慢活的人，喜歡寧靜和舒適的環境下晚餐的話這裏一定是不二之選。餐廳以白色佈置為主調，有兩邊的落地大玻璃，天花亦係以玻璃建造，空間感很好很大，上面D波波燈好得意啊！ 定食的沙律竟然是滿滿的一大碗，怕吃完已經飽了，入面更有炸雞兩塊，同樣非常美味，炸得外脆內嫩。 澳洲和牛定食，上菜已經很漂亮，牛肉係事先切好一片片，不用自己用刀慢慢切。 牛肉中間有一部份泛紅，應該是五成熟左右，每一片牛肉也包留了一點脂肪，因此吃下去肉汁很多，肉質相當軟滑，而且還有很多的芝麻，味道很不錯。 套餐之刺生有三文魚、帶子同甜蝦刺身，全部都好新鮮，好厚切，所以一上枱就比我哋清晒！ 北海丼定食，這個定食也相當豐富，有蝦，魚子，三文魚和海膽。魚子嚐起來不腥，味道鮮甜，不錯。三文魚好大片好厚切，令人大滿足。海膽鮮甜，口感幼滑，但可惜分量太少。 最後因為驚唔夠飽仲叫咗個軟殼蟹天婦羅，佢嘅天婦羅炸粉好薄，唔會食到成口都係粉，配芥末沙律漿，好味到不得了。