Yo yo yo …..之前經朋友介紹食呢間野！！
真係一試鍾情呀！之後每次去澳門都會黎食野...
啲野好食又唔會太貴….good！
今次好好彩…我地7:15去冇book位都有位
遲我地一個都要等到8:30啦！
我地叫左個『泰式醃生蝦』
之前幾次食都好ｏｋ ｇａ！
今次差左d，一黎細隻，二黎都肉唔夠爽，但係隻數都唔少
如果唔食辣既，請小心個汁！
只能夠講一個字 →→ 辣！！！！！
但辣得夠過癮！！
『蝦餅』
一黎到我地以為俾左兩碟既份量我地
真係睇到呆哂！
我唔記得一碟有６件定７件啦！
但係件件都有半部Iphone 4咁大呀！
不過好好食．．．足料又彈牙！正呀！
1
老闆得閒既話都會好留意食客既一舉一動….
話說同男朋友叫左一碟咖哩炒蟹,
隻箝雖然俾廚師拍薑咁拍過…但係有啲位就係拍唔開..
攪到我食得好慢,老闆過黎換碟時就講左一句”食得咁慢,唔夠男仔爭喎!”
『咖哩炒蟹』
每次黎都會叫呢樣野，好味！
因為男朋友食太辣會成身濕，唯有點菜時叫少辣！
隻蟹好多肉，師傅唔會炒到啲肉老哂！
雖然辣味少左，但依然好香！
1
淨係啲汁都可以撈到飯呀！
我地兩個叫左一個飯ｓｈａｒｅ！
個飯既大小，我諗係平時既飯碗 一碗半左右啦！
個飯係用碟上架，不過我冇影到相！
仲叫左兩個大椰青添！
埋單都係３百幾蚊！
又蝦又蟹抵啦！！
