海島船葡國餐廳 (已結業)

再一次證明, 一定要睇咗openrice先至好去搵食, 9/9/2008過咗去澳門玩, 本來想去船屋食葡國餐, 但落船才知道逢星期二休息, 又唔想去木偶同埋小飛象(因為兩間都食咗好多次,想轉下口味), 於是問個的士司機去邊間好啦, 個司機hard push我地去呢間海島船, 話係葡個人開, 口味正宗和價錢合理, 我地就聽佢講去咗啦, 入到去坐之後, 有個男人過黎同我地講, 你地四個人食個四人餐啦, $988+10%,有蟹,非洲雞, 四個湯,燒鱔.... 等等, 咁我唔食得蟹同鱔(皮膚敏感),我當然唔叫餐啦, 我話睇下菜牌先之嘛, 佢就話呢d野係最出名, 冇理由唔食架喎( 佢開始黑面) , 再問多我一次 " 你真係唔要呀? 然後冷笑一聲, 返回櫃面. 價錢收咁貴, 服務應該要做好d啦, 水都冇一杯, 要order架, 其實我真係覺得個價錢幾貴, 我見到最普通的一個西炒飯同馬介休炒飯都要98蚊!! 朱扒飯要138蚊, 紅豆焗朱手(我覺得唔夠半隻) 約$150, 非洲雞約$140 ....焗馬介休要約$180. 其他項目好多都係"時價", 用比五星級酒店還要貴的價錢來這餐廳食飯...