新濠仔海鮮美食 (已結業)

新濠仔一向假日7點幾8點就要排隊先有位,所以通常都訂左位先去食我前後食過3次......次次食都有驚喜,雖然味道比香港野偏咸,但夠曬野味.....一般大排檔o既價錢,但起票唔會細細碟比你,足料夠大碟。服務方面可以話無,一般澳門食店都係咁上下,見怪不怪有幾樣野一定要介紹下~~椒鹽九肚魚每舊大大舊,九肚魚黎講都算肥美,但唔會因為咁已炸得入面d骨唔香脆，雖然我唔飲酒，但我一食都知呢碟野送酒一流薑蔥鐵板蠔全名就唔記得係唔係咁叫啦，兩年前六十幾蚊，但有成十幾隻蠔，薑蔥爆一爆佢，再用鐵板上．．．．,因為有"石"紙係底,唔會熱到痴曬底!炒完o既蠔差不多隻隻都有3寸長,炒熟左又唔怕有太多菌,食得夠放心鐵板豬手呢個我真係估佢唔到呀.....一隻豬手煮好,再炸,切片加鐵板再上,加配泰式辣醬唔洗多講,如果你係一個鐘意食豬手o既人一定要試下,個面脆卜卜,有一層肥,之後再一層咸咸地o既豬手肉,真係三兩舊都可以食一碗飯啦xd唔記叫咩野花甲鍋又係抵食,隻隻花甲都成隻碗咁大,無沙,夠鮮味.......係香港真係好難食到啦.......澳門d 海鮮可能因為地理關係,都算鮮味比較濃,相比香港有時食隻蝦都無咩蝦味真係差得遠