卡夫卡

布丁燒

$25

嚮舖面第一眼見到呢款布丁燒，已經覺得佢好精緻好吸引！佢嘅面層係好嫩滑嘅焦糖布丁，而底層就喺軟綿綿嘅芝士蛋糕，一件蛋糕兩重享受，我唔客氣喇！

1

小王子

$38

我對中間呢朵玫瑰花可以話一見鍾情，用左玫瑰同荔枝配搭，除咗花香撲鼻之外，亦有荔枝嘅清甜，內層仲有流心效果。食落質感似Mousse，由外而內滲出陣陣香甜，令人心花怒放～

泰姬陵

$38

半圓形小蛋糕嘅外層鋪上咗一層透光嘅焦糖慕絲，而內層就係印度大吉嶺紅茶慕絲，就好似將法式下午茶嘅甜品同紅茶融為一體，甘中帶澀嘅紅茶唔單只中和咗原本甜漏漏嘅焦糖，而且仲提升咗味覺嘅層次，可謂色香味俱全。