影片
更多
2009-01-31
170 浏览
发现呢间餐厅，可以话系一个巧合。话说我地响官也街附近行吓逛吓嘅时候，本来想去全氹仔唯一嘅酒吧稍为休息一会。点知行行吓路经此店，见店外写住「recommended by Michellin」，且装修雅致，如一般欧式民居风格，本著有食为大嘅宗旨，友人A往里面一探，迎面而来竟是此店东主，亦是主厨安东尼奥先生 (Mr. Antonio)。Antonio十分健谈，平易近人，对我地嘅提问与要求都尽量迎合。此店地下系dining area，二楼就系厨房同埋洗手间，还有未完全装修好嘅天台。他解释今日有private party，所以地下已经full house。不过他补充话天台只是未装好玻璃窗，暂时只有帆布遮盖，可能会有点风及冷，但还可以用嚟招呼我地，我地当然唔会介意啦，仲顺道参观二楼嘅厨房，厨师们正忙碌地准备当晚嘅甜品，Antonio仲介绍佢所用嘅食材比我地认识，真令我地大开眼界。天台地方唔大，只可容纳六至八个人，但系因为咁一班好朋友先可以好close咁一齐分享美食，此时此刻，夫复何求！审视菜谱一轮，再经「有种」先生介绍，选了以下八道菜及四款甜品：「葡式陶盘烧葡国腊肠」：侍应小姐用手提气炉将用陶制嘅
此店地下系dining area，二楼就系厨房同埋洗手间，还有未完全装修好嘅天台。他解释今日有private party，所以地下已经full house。不过他补充话天台只是未装好玻璃窗，暂时只有帆布遮盖，可能会有点风及冷，但还可以用嚟招呼我地，我地当然唔会介意啦，仲顺道参观二楼嘅厨房，厨师们正忙碌地准备当晚嘅甜品，Antonio仲介绍佢所用嘅食材比我地认识，真令我地大开眼界。
天台地方唔大，只可容纳六至八个人，但系因为咁一班好朋友先可以好close咁一齐分享美食，此时此刻，夫复何求！审视菜谱一轮，再经「有种」先生介绍，选了以下八道菜及四款甜品：
「葡式陶盘烧葡国腊肠」：侍应小姐用手提气炉将用陶制嘅盘烧热，将葡国腊肠嘅表皮煎得卜卜脆。葡式腊肠比中式嘅淋，质地有少少似润肠；味道系咸咸地，与中式嘅少许甜味各有千秋。
「白酒蒜蓉炒蚬」：蚬肉虽小，但肉味是鲜甜的，最重要嘅系那些汁，十分惹味，能轻易食出有蒜蓉及不同香草嘅香味，佐以附上嘅新鲜面包，比单纯以橄榄油及醋更佳。
「葡式焗鸭饭」：个人认为到葡式餐厅必食嘅一道菜，首先系鸭肉系拆成丝后与饭一起焗，神奇嘅地方就系鸭肉虽然经过高温烘焗，但系入口好松软，质感如糜肉一般，完全唔需要大力咀嚼。
「椰汁非洲鸡配焗薯及杂菜沙律」：这道菜系「有种」先生嘅诚意推介，炸鸡肉配上椰丝，鸡肉嘅香脆中带有丝丝椰香，令人食欲大振。
「炭烧鲈鱼(配烚薯仔及时蔬)」：鲈鱼嘅缺点就系多骨，个人来说对多骨嘅鱼印象麻麻，不过此鱼烧得恰到好处，鱼肉爽脆，虽然说吐骨很麻烦，但此道菜还可算得上喜出望外。
「烧羊排配薯条及菠菜蓉」：相反，我对烧羊排有点期望，结果显示与期许有少许出入。事先声明，我对羊肉要求颇高，可能系食愤友人订购嘅羊架实在质素太好。这里嘅羊肉虽能够保持其独特嘅肉味，可是肉质偏韧，与友人订购的差一班。
「烧pianola鲜猪肋骨配薯菜」：猪肉基本上系稳健之选，只要唔系好似港式餐厅般用梳打粉腌淋，难食极有个谱。这里嘅猪肋骨亦系一道喜出望外嘅菜色，肉质松软之余不失应有嘅质感，而且肉汁丰盈，系上乘之作。
「海鲜杂烩配烚薯仔」：葡国位处大西洋东岸，海产丰富，所以烹调海鲜应不赖。此店嘅海解杂烩十分出色，汤料有虾(连壳及唔连壳)、带子、蟹、青口、鱼肉等，用一个大黄铜锅装起，利用铜导热快嘅特点，用最短嘅时间煮熟汤料，减少肉质因长期受热而受到破坏。汤底鲜甜(这是因为虾连壳一齐煮)，其中尤以鱼肉出奇地爽脆，鱼骨附近更有烟韧嘅感觉，有如鲩鱼腩般。
「云呢拿雪糕配火焰樱桃汁」与「火焰兰姆酒香蕉」同样由Antonio亲自操刀，一面欣赏其烹调技术，一面等待，集视觉、嗅觉、味觉于一炉。
「牛奶忌廉」：即是焦糖炖蛋，难得之处系炖蛋保留蛋香味，而且texture系纤幼，十分出色。
「朱古力摩士」：不是很甜，很mild，是十分恰当嘅浓度，过甜反而会令人觉得有点滞，尤其是大快朶颐之后。
除咗上列美食之外，我地仲点了一支红酒，价钱大约系二百多元。整体价钱共二千一百多(共七人)，好食嘅嘢我永远觉得物有所值。顺带提一点，这里有一缺点，就系厨房门开关经常bang bang 声，都几扰人，要扣分。
张贴
