雅馨緬甸餐廳

营业中

休息中

雅馨出名就係人都知，之前試過佢個咖哩雞麵，今次試其他嘢，原來都一樣ok.豬扒湯米：豬扒醃到入晒味，雖然有d薄，但係冇鬆肉粉味，香葉、黑椒味加分，芽菜仔令夾埋麵一齊食爽口，正。咖哩雞亦菜：咖哩係招牌，唔會衰得去邊，相比其他有賣咖哩雞亦嘅舖頭，佢香料味重好多，咖哩味入晒雞肉入面，算係咁，冇中伏。緬甸奶茶：見到係用緬甸茶葉，未飲過，相比起香港奶茶，係有獨特香味，同埋佢俾客自己落糖，啱晒體重管理人士，加分。最後，侍應姐姐好nice，嘢食好再加服務好先會留到客，推薦。