老記粥麵

营业中

休息中

今日一心諗住去沙梨頭食水蟹粥，坐的士去竟然到冇開門，我們就叫司機車我們去筷子基看看其它餐廳。行行下見到這間麵舖，原來係米芝蓮推介餐廳，未夠7點門口已經有人等位。第左一陣就有位，店子不大，但坐滿人。有水蟹粥，我們就叫了一碗，份量不大，剛剛好，一隻水蟹，粥底黃色的，就是蟹的顏色，粥底好綿密，好甜呀，有d韮黃，食到蟹膏的味道，蟹也是鮮甜的。蜆芥鯪魚球，不是好大粒，炸到香脆，加埋蜆芥醬一齊好好味，唔會腥同埋夠彈牙。魚雲煲，好香呀，好多薑同葱，魚雲入味，好惹味，正呀！！雞煲，雞切得好細件，冇咩口感，味道也是好香又惹味。