李康記豆腐花 (已結業)

澳門兩天美食遊完結，但太座大人食唔到熱荳花，咁又點得呢！好彩仲有呢度！李康記同榮記一樣係細街，都要搵一陣。入去叫兩碗熱荳花($5.5)，亞姐問加糖水定花奶，太座大人揀糖水，我都係揀花奶。奇怪既係，呢度既熱荳花係連碗熱住，而且有少少薑味（薑汁撞奶？）。不過冇所謂，好食就得啦！呢度既荳花絕對唔係榮記之下，同樣香滑好味。而且兩間都同樣將荳花削到好薄，花功夫但好聰明，削得薄食落去就會覺得滑啲。另外，亞姐好親切有禮，讚！