葡景軒

葡景軒的裝潢以傳統葡萄牙磚牆和古典餐椅營造氛圍，讓人彷彿置身異國。

最推介一定係葡式海鮮飯，擺盤好靚，紅紅黃黃好吸引，未食已經覺得肚餓。飯粒煮得啱啱好，吸晒蝦、青口、蜆嘅鮮味，每一啖都鮮味，加埋少少番茄酸香，令味道更平衡，食落唔會膩，仲有少少香草味令層次更豐富。

葡式海鮮飯

炙烤八爪魚就係另一道必試，外面燒到微焦，帶住炭火香氣，咬落去好彈牙，肉質仲保持嫩滑，唔會韌。配埋橄欖油同香料，簡單但好突出食材本身嘅鮮美，入口仲有少少煙燻香，愈食愈想再夾。

炙烤八爪魚

呢兩道菜 :一飯一小食，真係好夾，簡簡單單又一餐美味。