因為sanrio展嘅關係，就過左黎玩番晚。
甘大個女，我都仲未係澳門食過葡菜。
大少就帶左我黎好有名嘅山度士葡式餐廳喇！
店舖未開門已經有幾枱客人企定定排隊等候!
入到舖面細細，沒有豪華嘅裝潢，但挺有葡國味！
餐牌全部用最真實嘅相片展示出黎
仲有不少酒精飲品供應!
一坐低無耐，餐包已送上！
食法：搣細細舊沾上牛油加檻欖油一啖放入口。
大少話黎澳門就梗飲澳門啤酒
味道就偏苦！有歷練嘅啤酒
平時酒吧cocktail 都中意叫下sangria 飲
貪到紅酒仲有少許果味！
但可惜呢個sangria係現成再加裝飾水果，不是自浸出黎
葡式燒乳豬 $ 178
真的是招牌!
乳豬脾分左4件，外皮脆到有d誇張，
肉質超嫰滑，連皮一啖咬落去，油香溢晒口入面, 好好味😍
薯條部分充滿薯仔味，唔似外面急凍翻炸嘅薯條!
豬脾大特寫
外皮超薄，啖啖肉!
海鮮飯
$178
大少極力推介，表示10年前食過，味道非常難忘。
今次就帶我特登黎尋找當時嘅味道!
海鮮飯上碟時需耐心等候一d時間，等飯粒盡情吸入新鮮蕃茄湯汁。
用料方面海鮮都算多，飯已經混合少量蟹肉，但份量就唔多了!
1
最後就叫多左個豬耳沙律食下
利用檻欖油 醋調味
嗯，味道就可能不太合港人口味！
豬耳切得都幾大粒，份量都唔少!
整體來說，我認為都算係評價不錯嘅葡式餐廳了
