山度士葡式餐廳

营业中

休息中

聽朋友說好難有位，所以早幾日就託澳門的預約了，下午六點半開門，我們早半小時就到了官也街附近行行，費事遲到，原來仲有好多人早來地等開門。店內排滿球隊裝飾點菜後，就有侍應奉送暖暖餐包，有橄欖油、醋、牛油，點吃，包鬆軟，味道好。叫了兩支葡國汽水，熱情果和菠蘿，味道還不錯。馬介休薯波波，逐粒計錢，點兩粒試下，食唔到有馬介休，反而薯味頗重。焗羊架，肉質軟稔，肉香味淡，反而薯仔仲好味過羊架，可能薯仔吸了羊架精華…焗鴨飯，好似中式煲仔飯，飯面焗得好香口，飯裡充滿鴨肉和鴨骨，飯粒乾身，粒粒分明，但味道普普通通。葡國雞飯，主角是汁，配角是雞，雞肉肉質軟稔，但無雞味，汁似忌廉，所以撈飯一流。它可能是最正宗葡國菜，但不是最好味葡國菜。