南屏雅敘

营业中

休息中

星期五嘅下晝，黎到十月初五日街，尋找一間老店。入到店裡面靜靜搵一個角落頭坐低。望著冰室裡面嘅檯檯凳凳感受懷舊既氣氛。如果你係一個語言天份高嘅人，可以嘗試跟著枱上面個餐牌學葡文落單。直入主題。黎到南屏雅敘嘅目的係為咗下午茶醫醫肚。睇完個餐牌樣樣野都想試吓，不過眼闊肚窄嘅我最後都係點左叉燒蛋文治同埋凍牛奶唂咕。上檯既一刻厚厚既文治非常吸引。令人想大啖大啖咬落去。文治裡面既蛋煮得恰到好處，部份蛋汁包住微甜既叉燒，沒有油淋淋嘅感覺。另外唂咕非常重可可味值得飲多杯。期待下次旅行再嚟，試埋南屏雅敘既沙翁同菠蘿冰。