永利宮 (已結業)

閒日遊澳門，朋友見間餐廳好靚，所以一齊去試下。上網見人話要一早訂定位，因為佢地成日都fully booked，所以我地訂左位，同埋要求坐窗口位。（可以睇音樂噴泉表演）環境真係冇得輸，裝修得好華麗。蟹皇蒸燒賣 - 食唔到蟹味，覺得同普通燒賣一樣。永利宮蝦餃皇 - 皮薄，蝦爽口彈牙。金蒜排骨蒸陳村粉 - 排骨蒸得剛剛好，好嫰滑。個汁有少少辣味，加埋蒜味同d陳村粉一齊食，唔錯。七味脆豆腐 - 炸得好好，脆漿好薄，鹹味都適中，豆腐又滑。紅棗糕 - 好煙靭但紅棗味唔夠。最後佢地送左甜品俾我地。整得好精緻，都幾好味。整體係唔錯，佢地d茶都好好飲，但價錢就偏貴左。