泰滋味

最近經常要到澳門工作，正好比我一個機會夜晚周圍找好野食~~今次就黎食我之前係澳門都會間中幫襯既《泰滋味》。

泰滋味位於紅窗門街（靠近福隆新街附近）

餐廳主要針對本地客，夜晚食客唔算多，裏面裝修簡單，墻上貼滿餐廳食物照。

由於孤家寡佬，所以就叫一個自己覺得性價比ok既一人套餐~~

泰式奶茶

泰式奶茶 - 今次杯奶茶無平時泰式奶茶般甜，偏向一般奶茶的甜度。

泰式炒通菜

泰式炒通菜 - 辣度夠，同時通菜仍然可以維持爽脆既口感~~

泰式炒河

泰式炒河 - 夠鑊氣，河粉唔會炒到一舊舊，配合蛋絲十分惹味~

88蚊有一個菜，一個粉麵加一杯野飲，再考慮食物質素，個人認爲性價比實屬不俗~~