昌盛咖啡粉麵店

位於義字街街市附近，由港澳碼頭坐3號巴士，落車行大約4分鐘就到。”昌盛”係一間老字號既外賣點心包點既小店，今日經過，仲做埋煲仔飯。

唔知佢邊樣食物係米芝蓮推介，於是直覺食左三樣：粉果，馬立糕同紅豆糯米滋（總共＄19）。
粉果大大粒，勁多粉葛，食落勁爽口，但皮方面唔夠煙靱，入口就散，只屬普通水平。

粉果

馬拉榚：鬆軟，比較乾身，蛋味OK香，但一咬就散，唔夠Q彈。

馬拉榚

糯米滋，紅豆餡比較甜，有少量粒粒紅豆，皮係普通煙靱。

糯米滋

總結：因為係街坊店，以此價錢，味道唔能夠要求太高，只能夠話係不過不失，希望到時刨完書，知道邊樣食物入圍米芝蓮後再去試過。