叫左一個非洲雞伴薯仔及沙律、一個俱樂部海鮮飯、慢煮馬介休配南瓜汁及一個青提汁煎石斑杉。
餐前嘅麵包有啲失色，又硬又凍，但牛油好香，又有橄欖蓉同油，比較特別。食物一次過上枱，非洲雞少少辣，雞肉鮮嫩多汁，薯仔煎得香脆，配以炸脆左嘅煙肉非常咸香。慢煮馬介休同平時嘅炸馬介休球好唔同，原來馬介休好有魚鮮味，少少咸，肉質結實，行不錯。青提汁煎石斑好大塊魚肉，肉厚皮亦厚，好有膠質，滿滿嘅膠原蛋白。最出色係海鮮飯，有蝦、青口、蜆、魷魚、帶子粒，最驚喜係有一舊龍蝦肉，飯以湯煮成，似湯飯，但好好味，凍左都唔覺腥。
整體感覺好值得去，下次都要再嚟
P.S.男士記得要着長褲，同埋記得要打電話黎訂枱
5
2
1
