南屏雅敘

有幾個朋友要出國讀大學，臨走前約左佢地聚下舊，朋友就話不如去南屏雅聚啦。

其實依間野好早就聽聞過，評語亦都不俗。

好啦, 見食評咁多人讚好，慕名而來再幫襯一次。

南屏雅敘其實係澳門一間比較歷史由久GE茶餐廳，家族生意，店內仍堅持及維持老一輩的模式營運。

坐係入面彷如回到七、八十年代的澳門。

黎之前都做左D資料搜集，沙翁同叉蛋治應該係最靠得住。

記住記住!!!! 想食沙翁ge朋友仔，建議早上7至8點去食，過左10點我建議唔好叫沙翁，凍左既沙翁不但至淋，沙糖仲會痴埋晒一齊，我今次終於食到剛出爐ge沙翁。

3

剛出爐既沙翁係極品

沙翁

叉蛋治，名符其名就係叉燒蛋三文治，份量幾大份，食落去蛋香肉嫩，可以一試。

1

叉蛋治

朋友再叫左幾個蛋撻, 都OK好食。

蛋撻

食完之後可以直接落樓下賣單, 個阿叔心算真厲害,

上邊講左埋我地聽唔明既野之後,

個阿叔即刻計到幾錢。

厲害丫。

第二次黎印象比第一次好，重點係要選啱時間。