淏瑆 (已結業)

朋友約我去澳門, 我本身無咩興趣去, 個大三巴已經去過無數咁多次, 搭幾百蚊船走去食葡撻又好似好無謂。原來佢係想帶我去新濠天地食餐好同埋玩返晚。平時去澳門食野, 通常都係去啲平民小店度食, 但係今次就去左間grand少少嘅餐廳 -- Shelter。佢地係一間食意大利菜嘅餐廳, 咁就啱晒我喇! 我地叫左都幾多野食, 個焗原隻有機雞伴薯仔及雜菜就要強烈推介, 隻雞夠晒大隻, 同埋啲肉質好嫩, 基本上用刀輕輕一切, 就食到熱辣辣同埋充滿肉汁嘅雞肉, 真係yummy<3我地食食下, 聽到餐廳出面有好勁嘅音樂, 又有好多人圍住, 諗緊係唔係新年舞獅呢?? 當我地正係度諗緊搞緊咩活動嘅時候, 啲侍應話比我地知原來我地食野嗰晚係Wednesday Ladies Night, 我地係Shelter嘅顧客仲可以有免費雞尾酒任飲添, 真係正呀! 我平時係香港啲bar飲開嘅shooter, 都係淡到似清水差唔多, 但係呢晚Ladies Night, 啲shooter份量完全係perfectly-mixed, 佢唔會令你飲兩杯就醉, 但係絕對俾到你飲酒應該要有嘅享受。