影片
更多
2008-08-12
31 浏览
好幾次都有親朋戚友行過南灣大馬路呢間黑麻麻0既餐廳都攢攢貢眼光光咁，成日都想試下但係又唔入去，今次我就同佢地行出第一步。是日叫咗葡國雞、紅豆燜豬手及馬介休球，份量幾大。葡國雞係呢度名菜，聽講話係呢度發明，聽下就算，食落先知正唔正宗。一上枱係個大煲，焗過上面有層焦，可能係芝士，另有隻熟蛋雕花放喺面；落一層係一片片香腸，再落去就係好多件好大嚿０既雞。汁濃厚，冇椰香，係正宗口味。紅豆燜豬手係所謂西洋傳統菜，豆加肉同燜係歐洲傳統做法，紅豆唔係紅豆沙用嗰啲(Azuki Beans)，而係紅腰豆(Red Kidney Beans)，煮得耐唔會粉，而且飽肚；豬手已經起骨，食得方便；味道濃鹹中帶微酸，十分開胃。馬介休球係久違０既風味，係用麵包糠包住來炸，薯仔竟然一食就化，very very good！十分滿意，侍應０既服務都做得好，偶有漏單都係澳門正常現象，抱休閑心食飯，呢度係一流選擇。
好幾次都有親朋戚友行過南灣大馬路呢間黑麻麻0既餐廳都攢攢貢眼光光咁，成日都想試下但係又唔入去，今次我就同佢地行出第一步。
是日叫咗葡國雞、紅豆燜豬手及馬介休球，份量幾大。
葡國雞係呢度名菜，聽講話係呢度發明，聽下就算，食落先知正唔正宗。一上枱係個大煲，焗過上面有層焦，可能係芝士，另有隻熟蛋雕花放喺面；落一層係一片片香腸，再落去就係好多件好大嚿０既雞。汁濃厚，冇椰香，係正宗口味。
紅豆燜豬手係所謂西洋傳統菜，豆加肉同燜係歐洲傳統做法，紅豆唔係紅豆沙用嗰啲(Azuki Beans)，而係紅腰豆(Red Kidney Beans)，煮得耐唔會粉，而且飽肚；豬手已經起骨，食得方便；味道濃鹹中帶微酸，十分開胃。
馬介休球係久違０既風味，係用麵包糠包住來炸，薯仔竟然一食就化，very very good！
十分滿意，侍應０既服務都做得好，偶有漏單都係澳門正常現象，抱休閑心食飯，呢度係一流選擇。
张贴