南屏雅敘

整體黎講呢度既野其實冇咩特別, 飲品食物都係一般野.
但佢既叉燒蛋治真係好正, 舊叉燒蛋超級厚, 蛋又唔會煎到全熟, 食時仲有蛋汁流出黎, 正!

一面食早餐一面望住佢o的自家製既麵包一盤接一盤新鮮出爐, 雖然外貌普普通通, 但真係好吸引, 見o的街坊食客幾乎枱枱都叫一個, 攪到我都忍唔住買返幾個返屋企 (因為個叉燒蛋治確實好足料好飽).

俾錢時先發現......嘩! 雞尾包+菠蘿包+叉燒包只需$5.5!!
咁既價錢響出面既麵包鋪只可以買到一個呢! 真係好抵食. 難怪勁多街坊黎買包啦.

外賣袋--勁懷舊

平靚正