堂食就要排，外賣就唔使。買外賣嘅人10分鐘左右就買到。不過，我哋諗唔到去邊度食所以就排隊堂食，叫咗一個最出名嘅黑椒燒鴨飯，同一碗淨雲吞。
個黑椒燒鴨飯＄38，燒鴨都幾多，飯都好大份，足夠一個成年男人食飽。最重點係佢個黑椒汁，唔係剩係得辣味，食落有啲甜甜地，好啱送飯食，
值得一試。
但係，佢嘅雲吞就麻麻地，個皮好厚，而且一夾就爛，味道普通啦，可以唔洗試。
值得一提嘅係，鋪頭嘅員工好溫馨，有講有笑。隔離枱有個人留低左個袋，個員工就大喊，係咪送聖誕禮物俾我哋啊，唔記得拎野啦。頓時覺得間鋪頭都幾有人情味。
