天政

营业中

休息中

上次搭的士嘅時候嚟到新濠鋒諗住要食中餐，但係的士叔叔就問我地係咪成日食日本嘢，然後介紹話呢度嘅日式餐非常之好食，特別係特製嘅天婦羅係最好食嘅，連夜晚食都要成＄3000一個人埋單。估唔到佢嘅午餐唯有二百幾蚊起，但係如果你要食佢吧枱嘅即叫即炸天婦羅，個價錢就會由588蚊起。但定時都會有特惠餐，好似今日有小粟米，墨魚同青椒仔，都係即叫即放上枱的。但係味道只屬一般，最好吃的係墨魚。個餐其他嘅嘢食老實講十分一般，好似個牛肉飯係無汁的，超乾。吞拿魚沙津，係好似開罐頭加d生菜甘。。雞鍋的雞肉係幾鮮，但湯料只屬一般。刺身的帶子係好食嘅，厚身，有口感加鮮味重。同場朋友叫了不是即上的天婦羅飯，說第一口是不錯的，但再食落去天婦羅已經被醬汁整到淋身，已無甘好食。再吃下去都只係好一般嚟型容，以差不多400蚊嚟講，不值。如果係吃環境的還是可以的，但是食物當真好一般。可能係我無食貴價的天婦羅餐掛，哈哈。