影片
更多
2008-08-11
19 浏览
這是一個遲交的報告, 事發已經超過兩星期。同女友兩日一夜到澳門玩, 尊誠到添發食翅。問左多好人至搵到, 好在澳門人幾順得人意, 離遠見到斜路勁多人, 心諗又要趕船返香港, 實食唔到, 點知原來多人等外賣而已, 等十分鐘就有位。舖頭好細好逼, 冷氣亦唔多夠。人地話食$45已經好正, 問伙計45財與70財的分別, 佢話無分別, 係大條翅d。咁就有大食大, 幾大就幾大, 一於$70....................................等....................等好耐............................等好鬼耐...........................等好鬼死耐.................................終於等到...煲仔上, 料好足, 好熱, 趕時間, 要兩個碗"畢"開食, 否則食到船開都未食完。湯底食到有雞&金華火腿味, 料就有海參, 花膠, 火腿粒, 同細塊三角型的魚翅, 好似有冬菇...唔係好記得。湯底幾好, 但係漿粉多左d, 好杰下。材料就麻麻, 無味, 好心就先將材料煮過入味先啦, 無味之餘仲食
同女友兩日一夜到澳門玩, 尊誠到添發食翅。
問左多好人至搵到, 好在澳門人幾順得人意, 離遠見到斜路勁多人, 心諗又要趕船返香港, 實食唔到, 點知原來多人等外賣而已, 等十分鐘就有位。
舖頭好細好逼, 冷氣亦唔多夠。
人地話食$45已經好正, 問伙計45財與70財的分別, 佢話無分別, 係大條翅d。
咁就有大食大, 幾大就幾大, 一於$70
....................................
等....................
等好耐............................
等好鬼耐...........................
等好鬼死耐.................................
終於等到...煲仔上, 料好足, 好熱, 趕時間, 要兩個碗"畢"開食, 否則食到船開都未食完。
湯底食到有雞&金華火腿味, 料就有海參, 花膠, 火腿粒, 同細塊三角型的魚翅, 好似有冬菇...唔係好記得。
湯底幾好, 但係漿粉多左d, 好杰下。
材料就麻麻, 無味, 好心就先將材料煮過入味先啦, 無味之餘仲食到雪柜味, 咁即係無用燒酒出過水啦。
食海參又有雪味, 食花膠又有雪味, 食翅都有雪味...死未
70財係抵, 又多料, 又成煲翅咁, 但無諗過會有雪柜味囉...無下次！
张贴