繼續係黑沙環區覓食，今次黎到海名居附近「勝男家」，睇介紹係源自台灣勝面，主打食台式野食，特別是牛肉麵，一場來到一定要試下，真係好掛住台灣夜市！
.
紅燒牛三寶拉麵 (套餐 $125)
溏心蛋 ($12)
.
紅燒牛三寶套餐包含55蚊一份小食類以及15蚊以內飲品，可以補差價揀其他，今次揀左跟台式鹽酥雞同菊花馬蹄爽 (+$5)。
.
牛三寶有牛腱、牛肚同牛筋，牛腱有少許韌，牛肚牛筋發揮正常，料都算足，如果入味啲更好，湯底亦香，但成碗整體同台式牛肉麵有一段距離，勝在大大碗。相比下鹽酥雞做得不錯，炸到脆卜卜，外脆內嫩又有肉汁😍。另外加溏心蛋似乎變左熟蛋😅，有點小失望。
.
價錢方面偏貴，單點一個麵要50-80不等，套餐過100蚊，不過絕對食到你夠飽，性價比一般，去唔到台灣可以一解相思之苦先！
2
