義順鮮奶 (已搬遷)

無嚟澳門一排,原來義順牛奶搬咗去大馬路,新鋪似乎位置更佳,換轉在香港,應該會開金鋪.義順新鋪,格局跟舊鋪幾乎一模一樣,連樓上雅座都照搬,新鋪仲要開多一層,前後三層樓,樓底仲要幾高添,要食甜品,先要行樓梯減吓肥嘞.

香港也有義順牛奶,但很少會花廿幾蚊食碗雙皮奶,反而吃牛肉通粉比較多.人在澳門心情特別輕鬆,不知不覺又會想吃吃這些小食,呢啲可能就係澳門的魅力.

兩人點了一杯菠蘿冰,一碗紅豆雙皮奶
菠蘿冰--冰底不是碎冰,而是一大粒一大粒的,吃得比較麻煩.糖水用回浸菠蘿的,帶點微酸的菠蘿味.炎炎夏喝一杯,透心涼!筆者並不鼓勵試其鮮奶菠蘿,之前試過,兩者完全不夾,還是喝菠蘿冰比較穩陣.

菠蘿冰酸酸甜甜,是消暑妙品

紅豆雙皮奶--在女朋友要求下點了凍的,本身已經不寄厚望.但其紅豆底實在很糟,甜味不夠而且還沒煮淋,跟廣州南信和開記是完全沒法比.雙皮奶也是偏淡.結果女朋友又駛出其絕招"轉換",用雙皮奶和我換菠蘿冰,真開心!!

紅豆沒煮爛,入口還是一顆一顆硬硬的

二人埋單MOP37,水準平平,路經可以一吃.