影片
更多
2009-08-14
29 浏览
7.27今次寫呢篇野都要盡量冷靜點, 只希望各位食友睇完唔好再誤墮陷阱!!!我不是想話呢間野是黑店, 不過真的需要改名叫「海盜船」, 起碼可以光明正大點兒。我同男友二人上的士打算去食船屋, 點知的士司機說海島船更好味, 好快就到, 是正宗葡國菜, 又話船屋轉左幾手, 差左好多; 我們二人又不熟悉, 當試下新野, 就搭左的士黎呢間葡國餐廳。 一去到, 望到個門面已經有股不詳預兆, 好聽d: 流露深山古堡的感覺, 帶點懷舊葡國情懷難聽d: 黑店的門面裝修格局, 瀰漫幽深寧靜氣氛推門進去已經見到不多食客, 只佔全場1/3, 坐低就睇餐牌見到個價錢, 心諗不妙, 可能我食開便宜餐廳, 這間相對地貴及超出我預期。叫左炸馬介休球($98), 焗葡國雞($138), 蒜茸炒西蘭花($45), 一個白飯(忘記價錢)。侍應小姐在旁問我們要唔要個炒飯炒麵或者蒜茸包, 由於我們不知道食物體積, 所以不敢叫太多, 而且一個西洋炒飯最便宜也要$98。等了一會兒都無人斟水, 問一問才知道是沒有水供應。他們提供汽水, 啤酒, 紅酒, 椰青, 礦泉水($8)。只好要一枝水分享。早知係賭場拎幾枝免費水。 先來的是炸馬介
今次寫呢篇野都要盡量冷靜點, 只希望各位食友睇完唔好再誤墮陷阱!!!
我不是想話呢間野是黑店, 不過真的需要改名叫「海盜船」, 起碼可以光明正大點兒。
我同男友二人上的士打算去食船屋, 點知的士司機說海島船更好味, 好快就到, 是正宗葡國菜, 又話船屋轉左幾手, 差左好多; 我們二人又不熟悉, 當試下新野, 就搭左的士黎呢間葡國餐廳。
一去到, 望到個門面已經有股不詳預兆,
好聽d: 流露深山古堡的感覺, 帶點懷舊葡國情懷
難聽d: 黑店的門面裝修格局, 瀰漫幽深寧靜氣氛
推門進去已經見到不多食客, 只佔全場1/3, 坐低就睇餐牌
見到個價錢, 心諗不妙, 可能我食開便宜餐廳, 這間相對地貴及超出我預期:o。
叫左炸馬介休球($98), 焗葡國雞($138), 蒜茸炒西蘭花($45), 一個白飯(忘記價錢)。
侍應小姐在旁問我們要唔要個炒飯炒麵或者蒜茸包, 由於我們不知道食物體積, 所以不敢叫太多, 而且一個西洋炒飯最便宜也要$98。
等了一會兒都無人斟水, 問一問才知道是沒有水供應。他們提供汽水, 啤酒, 紅酒, 椰青, 礦泉水($8)。只好要一枝水分享。早知係賭場拎幾枝免費水。:mad:
先來的是炸馬介休球, 一碟十個, 奉上茄汁一枝。每個都脹卜卜, 大小均一, 炸至金黃色。急不及待先吃一個, 熱辣辣, 立即在嘴巴生了一粒飛滋。馬介休球有馬介休, 薯蓉, 芫茜, 吃到的只是著仔及搶味的芫茜, 馬介休呢? 抱歉, 如果不是吃到有魚骨, 我也不知道有加馬介休入內調味。所以, 這一碟小食, 粗略只可算是炸薯波。 而整個薯波是沒有什麼味道, 唯有靠茄汁。
食完4分3碟馬介休球, 其餘的都未上菜。等又等才出現的焗葡國雞, 熱辣辣焗好, 賣相又幾靚, 表面還撒上一些椰絲, 心想這次應該有啖好食了。 食第一件雞, 不滑的, 也沒有什麼味道, 顯然雞肉只是浸在簡單的葡汁中, 再拎去焗。 雞肉沒有什麼味道, 也沒有什麼特別。 葡汁更是「水汪汪」, 只有小許咸味。 伴菜的薯仔大大件, 好飽肚, 可惜又是淡口的。 雞件其實都有成6,7 件, 都算是份量足夠。
最後都要等的炒西蘭花, 一般的蒜茸炒, 除了有鑊氣外, 每間餐廳的出品也是差不多味道。西蘭花炒得淋身, 沒有草青味, 可以收貨的一道。
餐廳食物質素普通, 只有店內的裝修還算有特色,
價錢已經屬於是中上的價位了,
如果特別要坐車去氹仔, 我想: 沒有吃的必要。
张贴
