文記咖啡麵食 (已結業)

講到澳門美食 一定會想起豬扒包🥪

呢間文記咖啡☕️已經有半世紀歷史
有兩個鋪位 地方唔大 小家經營
主要賣港式地道食物茶室
🔥熱賣🔥花生醬豬扒菠蘿包，樽仔奶茶

花生醬豬扒菠蘿包🍍$28 🔅推薦

菠蘿包面脆卜卜
搽上惹味花生醬 加埋帶骨豬扒
口感豐富 甜咸得黎又唔滯
豬扒雖然薄身 但食落嫩滑 醃到剛剛好 唔會太咸

阿華田奶茶 $22
阿華田唔太濃 仍飲到奶茶茶香味

元氣醒神餐$52
可自選扒類 -雞扒煎得嫩滑多汁 帶輕輕薑味
午餐肉感覺overcook
蛋賣相ok 腸仔一般 可配多士/包
呢個餐唔算抵食 略嫌多油左啲

注意：等候時間較長 （如趕時間唔太建議黎試）
因為人手比較不足所以入座、點餐、出餐要長
整體大馬路位置黎講食物平均價錢平 🉐
不設加一及最低人均消費*