澳門新龍記

营业中

休息中

小妹襯新年發個新年財，拉左粒豬過澳門。一落船坐3号巴士直到。之前都系食第二間，早一日粒豬激嬲左自己。專誠搵左呢間話同我試下落車好快就去到，入面無乜人既。。心唸會唔會伏黎架嗌左個蟹黃墨魚餅撈面 同 炸南乳雞翼撈面上台。。細細碟！蟹黃都幾多仲要濃過以前食過既！墨魚餅無想像甘多墨魚。不過都彈牙既！但食完蟹黃撈面之後真系好想再嗌多碟！因為粒豬好中意食炸雞翼，所以特登嗌。我覺得唔夠南乳味，不過粒豬一路食一路嗌好好味另外嗌左杯凍奶茶同凍檸茶。。好想分享 小妹未飲過一杯甘難飲既凍檸茶！連粒豬都話 好 難 飲 ！之後試下粒豬杯奶茶又幾滑！已經提左粒豬。。下次提我唔好嗌凍檸茶