大龍鳳茶樓

营业中

休息中

午市時間爆晒棚，好在臨近尾升都有幾檯埋單走人，我地唔使等好耐就有得搭檯坐。2個人叫咗好多野食，睇到坐對面嘅阿伯眼定定。沙薑浸豬手--沙薑入味，豬手輕易咬開，由於切得好細粒，搞到食落無乜快感。柱侯鳳爪--朋友鐘意吮骨，叫埋晒手手腳腳。鳳爪無香港酒樓發得咁大，不過都夠淋啱我食。雞扎--保持水準，抵食夾大件。豉汁排骨--好正，肉質新鮮。鮮竹卷--係最失望，餡料太實。叉燒包--唔錯，係叉燒唔夠肥。蝦餃--晶瑩剔透，皮薄餡靚，沾潮州辣椒油食仲正。呢度好多老街坊幫襯，亦有港人打長途留檯叫餸食晚飯，說到樓面服務的確稍差。點心質量比龍華茶樓好多倍，就是沒有適心懷舊的布置和包裝。