天娜餅店 (已結業)

好奇怪, 今日既tina竟然冇人排隊? 平時多人到癲~ wow, 真好彩~ 一去就立刻要左2個原味木糠布甸 + 榴槤雪糕~ 唔好講笑~ 木糠布甸好實, 唔係好輕好軟個d, 可能因為雪得太耐囉~ 不過好好味~ 正! 但個粉末真係粉得濟, 有d "click" 住喉嚨, 想咳想咳咁~ 而個榴槤雪糕我冇諗過咁榴槤! 榴槤得好緊要, 一入口仲以為自己真係食緊榴槤, 好得人驚~ 我可能真係好唔鐘意榴槤, 所以食左一啖就打哂冷震, 唔想再食, 只會食返木糠布甸~ 如果你真係好鐘意榴槤, tina既榴槤雪糕就一定能夠滿足你~ 唔鐘意榴槤既人, 就唔好去試, 我驚你會嘔囉~ 哈~