諗住終於入到去啦
叫咗一個例牌黑椒燒鴨
再加一個叉油雞例牌
然後叉燒上錯咗燒肉
咁都算啦唔緊要照食
燒肉好普通冇咩特別
油雞唔係太好食，口感好鞋
鞋到個舌頭好唔舒服
然後主角黎啦
黑椒燒鴨一上枱真係呆咗
十件有九件都冇乜肉
仲要勁多脂肪咬唔落口
舊舊都好核突肥膏脂肪肉
再唔係就好大嚿好難咬，而且好多骨
咁盡量咬啲有肉嘅位啦
唔覺得有咩特別唔覺得有幾好食
而且口感好差，咬落去鞋到喊
樓下屋村賣緊一盒盒嘅燒鴨仲好食好多
然後食咗幾舊，真係忍唔住想換
個侍應一輪嘴係咁講
話係正常嘅正常嘅
佢哋啲肉係咁樣嘅
哦，原來陳光記啲燒鴨係咁嘅
原來陳光記啲人都鍾意食咁樣嘅肉嘅
然後將啲肉頭肉尾咬曬之後先影相
一開頭冇影到，如果唔係會見到更多脂肪肉
然後佢哋舖頭啲座位安排又係好差
枱枱坐到好逼
想做多啲客都唔係咁樣安排啦
我坐喺度後面走嘅又撞到我
入嚟嘅又撞到我
落單侍應送餐又係撞到我
真係無下次啦
想體驗吓每一隻碗每一對筷子每一隻匙羹
都係油嘅
同埋最出名嘅黑椒脂肪肥膏多過肉燒鴨
同埋會送錯餐嘅
同埋會係咁同你講佢哋啲肉係正常嘅餐廳呢
可以去試吓
