寶富咖啡麵食 (已搬遷) 新店位置

食完葡撻再食埋炸魚片米依然未飽於是去埋隔離 lee 間咖喱一哥試下有幾勁先 !叫左個咖喱牛尾麵同咖喱豬扒包 share咖喱豬扒包先到，熱辣辣但塊豬扒太乾，一般般啦見佢 d 咖喱冇乜特別，都唔對碗麵有太大期望碗麵一上枱，只見成碗麵好似幾辣咁喎，鋪晒成層咖哩老婆急不及待又係時候飲啖湯，小心熱呀喂 !果然不出所料，碗麵絕對熱辣辣，而且辣度十足，愈食愈辣牛尾呢就好滑，吸晒 d 咖喱汁就簡宜係 PERFECTLY GOOD 啦 !d 麵啖啖都索晒 d 咖喱湯汁變得超級辣呢 !如果唔係咁辣真係想飲埋 d 湯呀 !下次去澳門要再黎食過 !