李康記海鮮酒家

营业中

休息中

一個疫情,三年後先再到澳門,一行5人晚上去李康記食晚飯今晚有5個人,可以叫多啲菜,第一個叫咗半隻雞煲翅,佢用咗勾翅,湯味濃郁,我地5個都夠分,仲有約多3碗,即可以8個人享用。見佢有金錢蟹盒,就每人一件,裏面是豬肉加上蝦膠,熱辣辣,好味道。再叫多個釀蟹鉗,不過,呢碟蟹鉗是北海道蟹,較細隻,無乜肉。叫咗碟奶油芥菜,獻汁較杰身,呢碟麻麻。叫菜果時聽到經理介紹第二枱客人有半隻乳豬,果枱客人唔要,我即刻要埋,肉香皮脆,真係無介紹錯,而且呢個size 嘅乳豬,香港好耐無食過,正。