影片
是次黎澳门玩嘅其中一个目标就系黎威尼斯人嘅calbee专门店试葡汁雪糕因为之前透过唔同嘅media睇到帖文都话味道好特别....一向钟意试新野嘅我一直都想试好耐，今日终于有机会啦calbee专门店系同零食物语合并为同一间店铺既，而佢就位于威尼斯人嘅美食广场附近，其实都几易揾。原来除左有葡汁雪糕外，仲有日本CREMIA雪糕拣虽然我好钟意食CREMIA，但唔可以忘记原本嘅目标所以都系拣返葡汁雪糕配Potechurro西班牙薯棒，薯棒有肉桂同盐味选择。由于我好憎肉桂味，最后都系选择咗盐味。落单前职员有特别同我讲葡汁雪糕会有少少苦味，问我O唔OK其实唔系好明点解葡汁雪糕会有少少苦味....但经佢咁讲完我就更加想试Potechurro西班牙薯棒系即叫即炸嘅关系，所以都大约等咗8分钟左右。第一啖放入口嘅感觉系觉得佢比较似杏仁霜嘅味道.......微甜，带有少少奶味但唔明显。似唔似葡汁?老实讲唔太似而所谓嘅苦味唔系即时食到，系以「回甘」嘅形式出现，亦都唔系好强烈。不过味道真心系难食嘅...而Potechurro西班牙薯棒入口系软糯质感，我以为内馅会系有薯肉，但咬落居然系糯米咁带薯仔味职员明显地落盐落得好重手，薯棒系超级无敌咸仲要系用幼盐，完全系甩唔到啲盐无论净食还是点雪糕食都相当难食希望唔好再有人好似我咁中大伏
继续阅读
相关文章
您可能会有兴趣的...