MCT 手作·茶坊

营业中

休息中

一間澳門本土手搖鋪，MCT原來取自MACAU, COLOANE, TAIPA 首字母，杯身設計夠特別，鋪頭有澳門街景打卡位，包括葡式階磚同巴士站牌，夠本土化。經過好多次，直到見到圖中杯新出飲品，引起左我強烈想試欲望🤣。.🍡白玉丸子豆乳茶 ($35)由於外賣回家，白玉丸子分開用袋包裝好，食用方法先丸子後飲品，將丸子加黃豆粉，似麻糬設計，口感煙韌，甜甜地又有點creamy味道。飲品方面，飲一啖濃厚芝士奶蓋，鹹香度適中，再來有茶香奶茶，會feel到少許茶澀味，而最底下配料係豆腐布甸同茶凍，布甸夠嫩滑，亦有豆腐味，茶凍多左份口感同清新，「白玉丸子豆乳茶」組合幾特別，飲完飽左一半😂。