馬德拉葡國餐廳

营业中

休息中

今年全家又坐艇，過大海。由媽閣廟坐輕軌去官也街行下，食葡菜癲拿晚餐。看到這家餐廳几靚，店門餐牌價格合理，職員又可以安排馬上入座，所以係度晚餐。搭電梯上二樓就座，點了四個全日餐，再加几款小菜。餐包 包包熱烘烘的，好香好軟熟。餐湯 薯仔蔬菜湯 無飲到沙律菜    葡式牛肉 肉質硬淨，非茶餐廳那種啤水牛肉。葡國雞  雞肉無雪味，葡汁椰香味濃。傳統葡式燒雞 無食到  葡式乳豬 乳豬非芝麻皮，乳豬皮唔厚，皮下脂肪少，肉質實在。黑水欖飯 透著淡淡的欖油香，單食也覺得很美味。炸馬介休球 金黃外層乾爽，內裡薯蓉軟綿綿，夾雜細碎的馬介休魚絲，入口不油膩。 葡式芫荽欖油檸檬炒蜆 蜆肉不新鮮。馬介休炒椰菜 是不太鹹的鹹魚碎炒椰菜。甜品 無食到。

第一次去馬德拉葡國餐廳。問過職員，只係開業九個月。有四層。底下有一層地牢。用作開派對用。我個人係一樓食晚飯。有升降機。上到樓上，我坐係依靠窗位置。可以苒出看地堡街夜景。是日餐湯係薯仔湯，好飲。點咗個$108葡國雞配白飯餐。呢個餐包甜品芒果布甸。還點咗個$38焦糖雞蛋布甸。加一服務費，總價$160。葡國雞汁混入白飯，好美味。雞肉鮮嫩。正宗葡國風味。但個白飯好以用機啤出嚟。好實。有點硬。口感一般。芒果布甸好細份。只啱小童食用。新鮮芒果肉。好美味。焦糖雞蛋布甸，好重焦糖甜味。口感一流。

適逢假期澳門到處人山人海，假如想吃一餐葡國菜也是一件不容易的事。當經過這間餐廳時，原本以為是一間麵包店，當看到門外的餐牌才發現這是吃葡國菜的餐廳。餐廳地面層設有輕食外賣專區，有個馬介休球塔係到🤤我們上二樓就坐，環境氣氛很好和溫馨的南歐氛圍，很適合聚餐。（唔記得叫咩名）似係Sangria，冰涼中帶水果的清爽香甜，最後又有紅酒的香味，喜歡💕平時我不喜歡紅酒偏酸，但它清甜嘅水果中和了紅酒的酸👍🏻芝士熔岩焗馬介休球（$38/粒）中間嘅芝士可以拉絲，但馬介休的味道不突出炸馬介休球（$79/6粒）這個馬介休味比較突出，我比較喜歡這個葡式芫荽橄欖檸檬炒蜆（$138）口感清新嘅炒蜆，很隻蜆都好飽滿秘製咖喱雞農夫包（$188）超香濃嘅咖喱配上酥脆嘅麵包，忽然想配一碗白飯🤤吃到一半職員很貼心地幫我們將農夫包平均切開焗鴨飯（$128）入面有辣香腸、煙肉和鴨肉，入面的鴨油令飯變得香味可口，飯底帶點飯焦，超愛。葡式乳豬可以因為今日太多人，所以漏單了，所以等左好耐先吃了香脆的豬皮配帶點油脂的嫩豬肉，配新鮮炸的薯條

與幾位長老逛官也街，唸住食出名那間葡國菜，經過馬德拉葡國餐廳，門口接待話方便長者，有𨋢直達上2樓，所以就試下，餐內環境舒適，叫左個4人餐，跟湯的麵包，大家都讚好食，薯仔湯長老話好味沙律菜新鮮，牛油蜆清甜，燒沙甸魚都好好味，馬介休同葡國雞就一般水準啦～待應服務好，都有不停換碟

新年過澳門玩下 係官也街搵嘢食😆成條街都好多人 間間都爆哂場咁濟 搵到呢間葡國菜好彩仲有最後一張枱🥹裏面靜靜地氣氛幾舒服 我地都嗌左一枝汽泡酒放鬆下🥂店員全部都好nice 👍🏻餐廳有全日套餐供應 另外都有四人套餐🍽️我地就嗌左幾個餐Share 餐湯係波菜湯燒雞個皮燒得好脆 雞肉嫩滑 配上黑色嘅橄欖飯 味道都幾特別免治豬肉飯 賣相普通但餸白飯食一流牛柳份量就較少，不過味道都唔錯 最後甜品個雪糕幾好食🍦📍馬德拉葡國餐廳 (氹仔舊城區)氹仔舊城區地堡街292號地舖

家人一直被這間餐廳外貌吸引想入去試試，結果26號我們便中伏了。兩個人叫了一份牛肉餐及一份燒雞餐，當中包括湯/沙律及甜品。餐廳不算多人，但出餐頗慢，第一份牛肉餐40分鐘後到，但竟然是不熱的，真是無語！ 立刻叫侍應加熱。先評這兩份主食，牛肉太乾像柴，醬汁還可以，所以不算好吃；至於燒雞，肉質是嫩的，但皮燒過燶了，而且亦沒有甚麼味道。最值得我欣賞的只有那個黑水欖飯，很特別。 而最後的甜品布甸是沒有味道的。出餐慢而食物又一般，應該不會再回頭了。

食飯時間經過見到成棟葡式獨棟建築，一開始以為只有地層外賣，點知原來樓上係餐廳，環境幾好，唔會好嘈，地方闊落仲有電梯上落，坐得舒服。是次餐點: 石頭湯、薯蓉湯、風乾黑毛豬火腿蜜瓜、薯絲馬介休、燒乳豬、忌廉炒蜆、焗鴨飯石頭湯聽落去幾有趣，其實就係葡式雜菜湯。風乾黑毛豬火腿蜜瓜好味，擺盤都好靚，成朵花咁放喺哈蜜瓜上面，但係蜜瓜再大嚿啲同ham嘅味balance返會更好，因為ham好多！葡式乳豬份量幾多幾大嚿，個皮好脆，薯角都炸得啱啱好。忌廉炒蜆好fresh，份量足，唔會有沙。焗鴨飯最好味，鴨肉一絲絲藏喺飯入面，一上枱已經超香！忍唔住食多兩碗總的來說，有下次！唔駛同人迫，服務都幾好。服務員粵語英文普通話都識，溝通無障礙。