影片
前排IG一直比佢地出品洗版，其实想试好耐，奈何每次经过大排长龙，网上评论甚至话至少等二三十分钟，直到当日平日下午去个头又咁好彩见到无人，终于试到我期待已久麻糬系列，麻糬系列可以拣奶茶/乌龙/鲜奶任一做茶底，甜度冰度可以调整，对麻糬无兴趣仲有其他茶饮、鲜奶奶茶、布丁等选择。.麻糬芋泥奶茶 正常甜正常冰 ($29)黑糖珍珠鲜奶 正常甜正常冰 ($29).麻糬、芋泥同奶茶系我好钟意既组合，实在好难想像几麻糬放落废水界入面，吸起身有啲烟韧咬口又滑滑地，必须用饮管大力咁索，口感几得意，奶茶正常甜度可以接受，有啲似台式奶茶。当饮晒麻糬同奶茶，我先吸到最底芋泥，有少许芋头粒状咬下，整体味道同配搭都算特别又好饮，但芋泥份量过小，几啖无晒😂，另外麻糬再多啲就更好！我个人觉得麻糬有个魔力，令我想续杯继续吸麻糬😆。.另一杯叫左近年来成为经典的黑糖珍珠鲜奶，珍珠烟韧有咬口，眼睇冲饮品过程，除左落明治鲜奶以外，有加唔知系鲜奶定cream落去，令我有啲意外，同行人话成杯比较腻。整体无预期中咁惊喜，可以一试，但唔需要排长龙试。
继续阅读