影片
招牌菜
本身上网见到呢间咖喱鸡米线好似几好食，我同几个朋友连早餐都未食就走过嚟谂住试吓，点知完全系失望致极唔知乜嘢服务态度。事缘我哋1:30去食，其实舖头都唔系好满，都冇乜人等位。我同朋友啱啱坐低，几个朋友几分钟之后先到，个阿姐就走埋嚟串串共话20分钟要交枱叫我哋快啲食，话：睇乜嘢手机呀？快啲食啦20分钟要交枱啊。大佬你门口又冇贴张纸话20分钟，再者20分钟交枱系乜嘢事？香港用餐时间都一个钟啦，冇嘢啊？跟住我朋友嚟齐之后又10秒嚟一次问我哋谂好未落单未？有冇咁心急啊？态度仲差过香港，唔会再食。舖头又窄，又多乌蝇，完全唔知点解咁多人嚟食。同埋啲咖喱好重口味，唔钟意食咸嘅就唔好食啦，费事咁高期望走到嚟又比店员闹啦。
继续阅读
之前中午去就排哂长龙，今次16:00去到就可以直接坐低👍🏼咖喱鸡米个咖喱味好香好浓但又唔过份😋啲鸡肉煮到好腍，一咬落去就骨肉分离。碗米粉望落好似好多辣椒油😂但加埋个辣椒油多左香味，唔会好辣👍🏼米粉就索哂啲汁，好惹味😋个什锦就有猪肉片、鱼片同鱿鱼🦑，就不过不失。下次可以试下猪肉丸同墨鱼丸，望落好大粒，好似好好食下午茶既话食过细鸡米就岩岩好，之后食得落晚餐😂大鸡米$42 ｜ 细鸡米$32 ｜什锦$67
继续阅读
身为澳门人嘅我返到澳门， 当然要食返啲思乡菜式。 见时间赶赶地， 都系食个快靓正嘅金利面食（氹仔店）， 点知撞正中午，人龙舖嘅金利真系唔讲得少， 好彩我一个人自私食一入去就有位， 外面一大班人嘅就真系企咗喺度🤭 简陋嘅店面一如既往， 但系呢间金利系sell内涵， 大家千祈唔好睇表面。 双汁鸡鱼蛋米多葱小辣双汁系澳门人嘅叫法， 指咖哩汁加牛腩汁 。 咖哩鸡系金利招牌菜， 唔点就等于冇嚟过金利， 鱼蛋系我个人喜爱， 另外墨鱼丸也不错。 不过唔知系咪中午人多， 个米粉份量好少， 有啲唔够饱。 味道当然一如既往的好， 排队都系值得嘅👍 最后有个小插曲， 比钱埋单嘅时候，我梗系攞个mpay出嚟啦， 数码支付又方便又唔使掂到啲钱， 冇估到几年嚟一啲都冇进步！！ 仲仍然只收现金， 建议店家真系要与时并进！
继续阅读
去食呢间，纯粹系同的士司机倾开计，问佢#花城区 附近有咩好食，咁啱架车经过，佢就轻轻一指对面马路，话呢间都好食同多人食😂于是我哋买完鸡蛋仔，search google见到闩16:45，当时已经差唔多16:00，惊唔知几点截单，即刻冲过去 😂去到一坐低，都未睇清楚menu，落单阿姐已经企喺隔离等（aka催）落单🙈 我哋极速立眼睇个menu，叫咗个 #咖喱鸡米 （的士司机推介），另外仲叫咗个 #双丸米 （但佢俾错咗双拼米，变咗 #鱿鱼瘦肉米 ，于是补咗个 #净双丸 ）。个咖喱鸡米咖喱味好香好浓，又唔会太辣，啱晒浓味人，个鸡好稔好滑好入味～ 当时一路等嘢食，一路见到隔离台啲人要劲多 #辣椒油 ，叫姐姐落到成座山咁，我哋又试下，一试劲钟意！！ 好香口同炸蒜劲脆口！！！成件事提升咗，一定要加！！！嚟错咗𠮶个双拼鱿鱼瘦肉就无乜特别，反而双丸米 （竟然无影相🥲） 好食啲，特别个墨鱼丸，超弹牙！呢间好食，下次去澳门可以encore🤭🤭
继续阅读
第一次听过鸡米呢样嘢，估唔到睇落咁重口味，识落完全冇罪恶感😂咖喱味嘅汤底可以有几好食？就系明明早餐，食咗两个m记餐，都仲可以食晒成碗面嘅程度😂可以有两种大细选择，但细碗嘅话，就真系好似一个饭碗咁大，同埋冇得双拼，所以我就拣咗个墨丸鸡米！最黐线嘅系佢有四大粒墨鱼丸🤣仲大过个乒乓波！大粒又好食，质感偏实，唔系弹牙𠮶种🫶🏻啲鸡好滑👍🏻而且离晒骨，好轻松，就可以食多啲肉咁女仔嚟识就唔怕失仪态啦！个汤底好浓郁，啲面煮得啱啱好 够爽口👍🏻
继续阅读
您可能会有兴趣的...