金利麵食

营业中

休息中

之前中午去就排哂長龍，今次16:00去到就可以直接坐低👍🏼咖喱雞米個咖喱味好香好濃但又唔過份😋啲雞肉煮到好腍，一咬落去就骨肉分離。碗米粉望落好似好多辣椒油😂但加埋個辣椒油多左香味，唔會好辣👍🏼米粉就索哂啲汁，好惹味😋個什錦就有豬肉片、魚片同魷魚🦑，就不過不失。下次可以試下豬肉丸同墨魚丸，望落好大粒，好似好好食下午茶既話食過細雞米就岩岩好，之後食得落晚餐😂大雞米$42 ｜ 細雞米$32 ｜什錦$67

身為澳門人嘅我返到澳門， 當然要食返啲思鄉菜式。 見時間趕趕地， 都係食個快靚正嘅金利麵食（氹仔店）， 點知撞正中午，人龍舖嘅金利真係唔講得少， 好彩我一個人自私食一入去就有位， 外面一大班人嘅就真係企咗喺度🤭 簡陋嘅店面一如既往， 但係呢間金利係sell內涵， 大家千祈唔好睇表面。 雙汁雞魚蛋米多蔥小辣雙汁係澳門人嘅叫法， 指咖哩汁加牛腩汁 。 咖哩雞係金利招牌菜， 唔點就等於冇嚟過金利， 魚蛋係我個人喜愛， 另外墨魚丸也不錯。 不過唔知係咪中午人多， 個米粉份量好少， 有啲唔夠飽。 味道當然一如既往的好， 排隊都係值得嘅👍 最後有個小插曲， 比錢埋單嘅時候，我梗係攞個mpay出嚟啦， 數碼支付又方便又唔使掂到啲錢， 冇估到幾年嚟一啲都冇進步！！ 仲仍然只收現金， 建議店家真係要與時並進！

去食呢間，純粹係同的士司機傾開計，問佢#花城區 附近有咩好食，咁啱架車經過，佢就輕輕一指對面馬路，話呢間都好食同多人食😂於是我哋買完雞蛋仔，search google見到閂16:45，當時已經差唔多16:00，驚唔知幾點截單，即刻衝過去 😂去到一坐低，都未睇清楚menu，落單阿姐已經企喺隔離等（aka催）落單🙈 我哋極速立眼睇個menu，叫咗個 #咖喱雞米 （的士司機推介），另外仲叫咗個 #雙丸米 （但佢俾錯咗雙拼米，變咗 #魷魚瘦肉米 ，於是補咗個 #淨雙丸 ）。個咖喱雞米咖喱味好香好濃，又唔會太辣，啱晒濃味人，個雞好稔好滑好入味～ 當時一路等嘢食，一路見到隔離檯啲人要勁多 #辣椒油 ，叫姐姐落到成座山咁，我哋又試下，一試勁鍾意！！ 好香口同炸蒜勁脆口！！！成件事提昇咗，一定要加！！！嚟錯咗嗰個雙拼魷魚瘦肉就無乜特別，反而雙丸米 （竟然無影相🥲） 好食啲，特別個墨魚丸，超彈牙！呢間好食，下次去澳門可以encore🤭🤭

第一次聽過雞米呢樣嘢，估唔到睇落咁重口味，識落完全冇罪惡感😂咖喱味嘅湯底可以有幾好食？就係明明早餐，食咗兩個m記餐，都仲可以食晒成碗面嘅程度😂可以有兩種大細選擇，但細碗嘅話，就真係好似一個飯碗咁大，同埋冇得雙拼，所以我就揀咗個墨丸雞米！最黐線嘅係佢有四大粒墨魚丸🤣仲大過個乒乓波！大粒又好食，質感偏實，唔係彈牙嗰種🫶🏻啲雞好滑👍🏻而且離晒骨，好輕鬆，就可以食多啲肉咁女仔嚟識就唔怕失儀態啦！個湯底好濃郁，啲面煮得啱啱好 夠爽口👍🏻

澳門朋友介紹 #特色麵食下午3pm不用等位向來對咖喱汁都非常熱愛朋友話要叫 #雙汁侍應姨姨話個個都係 #雙汁 😂😂問我係咪要 #單汁我話要雙汁雙汁🔸 #雞米 似咖喱雞，雞肉嫩滑米粉吸盡咖喱汁加埋他們自家製嘅辣椒油係香辣味一試難忘。。。🔸 #魚蛋米魚蛋超彈牙，有七粒咁多湯底同雞米一樣🔸 #什錦米老公本來想叫牛腩一早賣晒了唯有叫什錦米有魷魚、豬什豬什包含咗好多嘅不同質感每樣都好味👍#其實我食唔晒 #下次會再來#我要試墨魚丸

#金利食店 @foodiehck2022 來到 #澳門 ，總有好多 #必食之選 ，金利都可以話係其中一間，佢既 #咖喱雞米 唔食過都唔好話去過澳門😅係酒店安頓好之後就馬上出發，四點幾去到並無預期咁多人，當然想食咖哩雞米，可惜米粉已沽清，咁早？唯有轉油麵啦。細碗$32，咖哩湯汁好濃，但完全唔咸，飲多兩啖都唔會口乾，味道做得好好👍 點解要叫米粉係要索返湯汁令到米粉更好食，油麵都好食但就做唔到依個效果。後來發現原來店鋪收四點九，即係我係人地差唔多收既時候先來，有得我食已經好好彩啦🤣

趁星期六日放假，終於可以黎個short trip啦！😆是次澳門之旅嘅lunch就黎左試佢嘅雞米🤤🍜墨魚丸雞米 $48 🌕🌕🌕🌕🌑因為冇曬牛腩，所以嗌左侍應推薦嘅墨丸雞米～呢碗米粉嘅精髓係佢嘅雙汁湯（腩汁+咖喱汁）同埋辣椒油😆淡淡嘅咖喱味配上腩汁，送米粉真係好正🥰辣椒油都十分惹味，為個湯麵錦上添花😜墨丸唔係超爽口彈牙嗰種，而係實實地，咬落去唔會反彈嘅🤣我個人比較鍾意呢種👍🏼雞肉係碗湯嘅壓軸，食第一啖已經覺得好高質素，有雞味而且好嫩滑🤤但食落去就發現有一兩舊雞好鞋🙁總括黎講，呢個價錢食到呢個質素真係十分抵😆而且間店頗大，等候時間唔會太長。下次再黎澳門會encore😎

週末去咗澳門玩，除咗試咗豬扒包同埋葡撻等等地道小食，亦都上網睇到呢間金利食店，聽人講最出名係咖喱雞米粉，一場嚟到梗係要試吓。去到門口見排晒長龍，就知道一定有返咁上下水準。好彩都好快有位，雖然地方比較淺窄，但係咁先至夠地道風味㗎嘛。坐低就叫咗個咖喱雞湯米，當然要大辣啦，碗野嚟到見到咁多辣椒油喺面就心諗冇死啦，就算唔夠味都起碼夠辣。食咗第一啖之後，我就知道自己諗多咗，除咗夠味之外，仲好好味，香濃嘅咖喱湯底配埋嫩滑嘅雞，食完一啖又一啖，好快就食晒，如果唔係見咁多人等緊位，又要趕住去賭場，我一定嗌多碗嚟食，而家有啲後悔，返到嚟香港都仲係念念不忘。

在澳門工作, 速食工作餐已經十分習慣, 特別在選擇不多的氹仔大中華附近。本來打算走遠點點到花城吃飯, 速去速回也要差不多四十五分鐘, 後來跟同學去來到了步行只五分鐘的金利。食店外面堆滿了等外賣的人群, 穿過它們的(猶如死物一樣阻礙通道)之後, 其實內裡十分寬敞。食店沒餐牌, 菜式名字都貼到牆上, 但還不外乎什錦雞米, 雙汁腩麵等。於是要了個什錦腩米加辣。什錦米中, 牛腩是主打, 湯中腩汁不少, 加上咖喱粉惹味的湯, 香濃而覺有點鹹。但是辣油卻是十分之好, 香辣惹味, 而內裡的炸蒜更是香口, 更能提升口感與香味, 當米粉吸入湯汁時, 滋味更強。什錦米用料有水魷, 魚片, 牛腩, 雞絲。牛腩腍淋, 肉質可以入口鬆開; 水魷爽口而淡味; 魚片薄, 彈力一般; 雞絲混入米粉中, 與湯汁混在一起而吃。不消十分鐘, 這個湯粉就給完結, 份量不多, 但也要MOP43, 加底要加十多元, 終於明白澳門朋友為何經常說澳門食野貴了。

話說上2個月去澳門...都未有時間去訪尋呢個傳說中既「雙汁雞米」因為之前做資料搜集既時候, 某討論區有班澳門巴打推介呢間野, 話必食!睇相望落又覺得幾吸引, 今次再黎澳門, 一於訪尋下先得!!!! 對於我呢d香港人黎講, 除左搭發財車之外都好少坐巴士...好彩一早做左reseach, 呢間金利附近有巴士可到ge~不妨都share俾大家..如果係澳門外港碼頭個邊過去既朋友仔, 可以先坐發財巴去肥膩c人..再係佢酒店外圍坐一架「25x」既巴士, 係寶龍花園落..落車行2-3mins就到, 好近!去到見到門面係好街坊既餐廳, 同係香港去食茶記/車仔麵咁差唔多餐牌貼哂係牆身....有墨丸呀, 雜錦雞米, 仲有牛腩等等...咁見個個都推介雞米同牛腩米, 於是我同豬仔一人一款喇...先黎既豬仔的雞米一黎到, 見到個汁好濃郁~ 由於豬仔咳, 冇加到辣...佢話...d雞肉呢, 冇咩特別反而最好食係d米粉, 索哂d汁, 好惹味!!到我碗牛腩米 + 辣登場佢唔係個d牛雜店好大o舊既牛腩, 係比較碎上食落, 好入味!!! 試埋牛筋, 又係好入味 + 夠稔!!牛根真係要夠稔先好食, 呢間做得好好!!

不說不知，從前友人去了外國移民或升學，來信說最掛念的地道美食是雲吞麵。現在？他們紛紛在社交網絡知道我在吃「金城米」，留言說「流哂口水」、「掛念不而」。澳門無人不曉「金城米」，說這篇是食肆推介實在多此一舉，此乃為引起更多共鳴之趣、保留地道美食回憶之文而已。那不妨說食店之由來，是一家開在澳門名女校附近的家庭式小麵店，店子在小巷街角，週一至週六早餐時份，街角兩面的鐵閘都拉起，遠遠便可看見店主在兩個大湯鍋面前，煮麵煮得蒸氣亂竄。室內只能坐十人，都是穿著得體校裙、紮著整齊馬尾的女生與他們家長，通常上了中學的女校生或在職人士，喜歡買外賣，中午時份情況相約。唯早餐及中午的最大分別為 – 早餐時段有最馳名的雞及牛腩，賣完便不再造，所以中午未必吃得到！所有東西的賣完了，下午四時放學時段也就不開門。通常都不開門。忘了說，他們早餐時段後至十二時都拉閘關門的。來餘述一下他們最受歡迎的麵食，但不宜把味道說得細仔，因其實這些地道美食，腦袋用的記憶法屬印象派，總之用時食後都感覺滿足良好，然後再化成美好回憶，不需多深思它在你脷頭上有多複雜奧妙。是件「食家來彈你也叫他返歸，廚神來讚你也說不及你回憶精準」之事也。先有什錦

版主將佢分類為葡國菜, 其實佢並唔係葡國菜嚟 而係唔知係緬甸定係邊度d華僑引入的東南亞特色麵食 知名度次於魚湯粉如果你問d澳門人邊度食雞米?通常都有d閒人答你金成( 佢間總店)/金利啦!咩係"雞米"?是雞食的米?非也!而係燴雞湯米粉呀!仲要加雙汁才好收貨(即清湯加特制汁)!香中帶點點甜味,是不錯的即食早/午餐之選!佢亦都有東南亞特色的油麵供選擇, 不過"雞米"始終係最受歡迎之選p.s.今篇食評用詞遣字大眾化些少, 因要襯翻佢d大排檔feel吖馬