謝海記肥婆茶館 (已結業)

本來約左幾個朋友去茶樓聚下舊, 一開始係建議去茶樓食，但有位朋友說最近見到間店名極為有趣的茶館, 仲要係通宵營業，我地大家都未試過於是乎,  就咁決定了試依間肥婆。其實依間野係中午時間會好多人，多做街方生意其它時間段唔駛點等，間肥婆係正下環街百佳對面，極好搵。依間野環境一般般，但勝在入面既野超抵食。嚴格黎講，6個人食到嘔竟然先係200蚊有找。蝦餃係即叫即蒸。其它點心都可以出面自己攞, 然後叫個阿姨劃點心紙。雖然唔係大酒樓既質素，但勝在24小時營業，同埋價錢實惠。中午時份我會建議叫個魚腩食下，新鮮一D都唔腥。如果，你行街行到攰攰地，想搵個地方休息下，飲杯茶，肥婆都係一個唔錯的選擇。

下環區唔近賭場, 竟然都有24小時食店, 實在難得! 我就晨早流流五點幾去, 飲下茶嘆報紙, 呢度有澳門日報賣好方便... 同埋點心價錢唔貴, 茶錢都只係$2有壼茶慢慢嘆, 無加一...位就唔多, 似舊式茶樓咁, 環境係麻麻, 點心出門口攞或直情大聲嗌就得! 先講最差果樣野, 就係平時既大排檔美點, 整好晒, 翻煎都窄架喇, 竟然係翻叮!!! 但我冇叫蒸雞 $12 <- 見佢咁過癮便嗌, 好多雞, 只能說有雞味.....藥饍雞腳 $12 <- 好有藥材味, 好似係當歸味, 叫左孖雞添! 蒸雞佢拎左出黎, 唔好意思叫佢收番埋! 鮮竹卷 $12 <- 豬肉都幾林但我喜硬有質感, 內有紅蘿蔔條硬硬地, 黎個口感新衝激, 不過面頭仲有pat豬油, 撥走了... 蝦餃 $17 <- 即叫即蒸, 5分鐘, good! 唔會長蒸林晒爛晒!