影片
好多文章都介绍下环熟食街市，话食物够地道，价钱又够经济，但每次黎澳门都懒行懒揾巴士，一直都只去d游客区，挨贵野。今次黎澳门，一反以往既路线，决定黎个旧城区一日游，由下环食到去祐汉街市!! 全程都系行住去，途中见到更多平民建筑，别有一番风味。可惜，唔知系咪星期一既关系，黎到后发现有三分一既店都未开，最想食既串烧都无开。呢个街市以供应粉面类为主，现场大概有5间，另外有两间港式、一间煲仔饭、糖水铺、小食店。最后因为想食捞粗，所以拣左呢间铺头。由于价钱牌只有单/双拼价钱，但双拼又点能满足我既食欲?! 结果点左招牌冬菇、云吞、牛腩，咖哩汁捞粗 (~$50，注意呢度找数只找葡币)估唔到咖哩汁仲有两粒薯仔，煮得粉烂；咖哩味香，不过略嫌捞面太多水。招牌冬菇煮得好淋好入味，一定要试!!云吞味道正常，size算大粒，入面都有一粒虾，食落都新鲜。牛腩比较瘦，正正系我杯茶。整体味道唔差，如果系香港既话，呢个份量$50会叫做抵，但系下环熟食街市就比较贵，因为一个煲仔饭都只系$3X，仲要有饭焦。
继续阅读