瑪嘉烈蛋撻店

营业中

休息中

安德魯太唔方便, 唯有買左呢個試下有幾好食! 2個人買左4個, $28, $7一個都唔算貴。不過咁熱, 買番酒店食喇~又多人喎! 不過d服務真係唔係幾好~可能因為佢地覺得好生意, 唔志在.em...真係好美味呀, 連續食左2個都唔覺得漏, 又冇kfc果d咁油, 又剛剛出爐好新鮮好熱!

去到澳門必食呀!!!本人一向唔好蛋撻..所以對葡撻都冇咩期待不過而家真係要改觀!!入口好鬆化!!好好味!!好香!!甜甜地XD食完一個好想再食!!食到停唔到!不過價錢唔平..$7/each所以唔好食咁多!!!XDD

在新葡京輸掉大拿拿的三千蚊之後, 去了瑪嘉烈蛋撻食葡撻洩忿 喺香港的時候, 都已經成日去肯塔基買葡撻食, 但係水準越嚟越低, 機械式的生產總是壞了好事的...買左兩個葡撻食, 雖然都係叫瑪嘉烈葡撻, 但係就好食得多了, 同肯塔基最大的分別, 係個酥皮的層數多出數倍, 因而令個葡撻更鬆化, 入口更好食 如果肯塔基可以做到咁就好了..只係環境就比較惡劣, 天氣炎熱, 坐出面沒有冷氣, 大風扇吹出來的風有好多水點, 好似落雨咁, 慌忙搬到旁邊的卡位坐, 以免弄濕我美味的葡撻

食左安德魯葡撻,也要食埋瑪嘉烈架啦!因為要「應付」密密的遊客,葡撻不斷出爐,所以買到手,又心急的我,辣到上胯甩皮。雖然香港KFC也有得食,可能水質有別,人地既,好似好食D。面朕蛋皮已甘香D啦!撻皮就不潢多樣喇!凍咖啡,原來同香港茶記差唔多,不過佢無冰law,同埋無乜酸咖啡味。見其他人食的芝士蛋糕都好似好正,不過我地趕時間,店員又惡,不敢再參詳了。拿拿淋,買多一兩樣野番香港先~黑麥包：唔知係咪黑麥包通病,發烤後,有朕酸味。呢個酸味唔弱,幸好麵包質地黏糯,有點似食白糖糕口感。薯仔布甸,其實食唔到薯仔乜滯,仔細咀嚼,有點粒粒薯蓉粉啦。......蛋+呍哩拿味,整體上是一件日式煎壓蛋。

遠道而來,真的要試下澳門聞名的瑪嘉烈葡撻*一來到便剛剛好有位了~於是和友人便急不及待入去買!一入到去我們周圍睇一睇...還未企夠一分鐘就有個牙姐大嗌語氣好唔掂WO~個樣好似黑面神咁惡~今時今日咁既服務態度唔得WO牙姐!!!就算食龍肉都唔可以咁惡架!又唔係唔洗俾錢....咁既務態我會俾喊面...至於個葡撻相比起第一天食果度就真係好得多~酥皮又脆又香!影完相都仲好熱~食落去超香口...由於仲要食其他所以每人只食了一個撻....葡撻係真的好食,我會俾而笑面...但基於服務很有問題所以只得OK....希望可以改善一下服務務態,始終我們都係客....應該要以客至上!NICE一點也可以吧~

係碼頭度搭左酒店D順風車行左一陣就搵到了不過呢度收埋左係後行後面, 都係好偶然先見到XD舖頭已經坐滿晒人, 所以就打包黎食買了2個葡撻同1杯凍奶茶D葡撻熱辣辣新鮮出爐架, 老闆都幾有笑容呢D葡撻拎上手真係好熱架, 咁新鮮梗係要即刻食左去D皮好脆呀, D糖分佈又好平均咬落去真係又有皮脆又有蛋香, 好好味呀D凍奶茶就冇冰的, 都幾夠滑不過就比較淡左DD, 唔係太甜有少少苦咁好彩我地都係兩份飲1杯原本諗住臨走再買多次葡撻食, 不過太夜同太累冇行返返去LU

天氣翳熱，陰霾密布，霪雨菲菲。從大堂步行往瑪嘉烈，不禁汗流浹背，對非青少年來說的確是要命的事。瑪嘉烈內裡是沒有位子的，客人堂食都得坐在店外開放的地方；食桌不算多，還幸有帆布作蔭篷。原想找張大檯坐得舒服點，可惜頭上的牛角扇不斷用水花打霧，迫得要坐在高椅上。老實說，食肆是不該用風扇打水霧降溫的，不單容易污染食物無助減底溫度，更將環境濕度提高，焗促得要死!...基於環境關係，我只要了4個葡撻$7/個，在雪櫃挑了凍咖啡$10和凍檸水$12。凍咖啡---無甚咖啡味，比雀巢或快餐店不如凍檸水---檸檬汁加水，沒有渣的怪怪葡撻---聽人家說這裡是元祖，蛋漿燙口，酥皮很酥很香，這是因為用了大量牛油搓疊多層麵團而成。當我將其中一個分開兩半的時候，油質紛從酥皮擠揤出來...很肥膩呢!...健康著想，少吃為妙後話：凍咖啡和凍檸水取自不同雪櫃，沒有冰塊添加原味售賣。拿上手，倆者均近乎室溫，相差攝氏5°C左右都不可說是凍的。在這種超過攝氏4°C高溫儲存環境，預製飲品頂多擺上4個小時便應棄置，如木瓜牛奶這樣的高危飲品更要小心處理。食家若選擇飲品我還是建議瓶裝密封的好。重頭主角瑪嘉烈蛋撻令我有不外如是名大於實的感覺

非常經典係新來酒店附近問路的時候俾個澳門人話呢度無出名既葡撻！明明旅遊書話有瑪嘉烈 cafe.....結果行行下見到馬統領圍終於找到隱藏的茶座了。入到去見到老闆娘就在收銀的打 dun。勁多人！逼到入去要買飛先。要左木瓜鮮奶加葡撻。超香口呀個撻 $7，脆脆的外皮與充滿蛋香的餡。木瓜鮮奶就無乜特別 $12。其實係已經兩點，但我地都要食埋葡撻先去食 lunch。服務實在太多人所以係無乜，同埋清潔 mat 檯都係好耐先有人出黎一次。下次想去安德魯，但佢係路環....唔順路添。

15 June 同 bf 去澳門玩, 去完新蒲京路過呢間店, 記得旅遊書介紹過好似出名, 所以試下. 入到去想買葡 tart , 行左埋個企響葡 tart 隔離既阿姐. 話想要一個. 佢唔出聲黑晒口面望住我. 之後收銀個人就大聲話..俾錢先有得攞.. 我心諗. 對正我果個阿姐又冇講.. 駛唔駛一出聲就咁惡呀. 你估我想咁唔識做既咩. 冇啦啦俾人大聲話.. 覺得佢地態度好差.好招積. 好唔憂做. 唔知係咪俾人話完有 d 唔鍾意間野. 覺得佢地個葡 tart 好普通. 去 kfc 食好過.

2點左右去到...吾係太多人除左葡達叫做可以其他吾使講....最重要無禮貌到負分...由其貌michael jackson個女人勁衰....原因我正在比錢叫我女朋友去睇要吾要芝士蛋糕..我女朋友行去睇..正想話睇吓有咩之際比人大聲渴比錢先...大姐我咪比緊囉...仲要話...係咁架係咁架...老細係到係咁架啦.....係都吾使咁大聲囉...出名大哂咩.....

同女朋友於澳門的第二日，離開新葡京之後便搵食了。行五分鐘左右就到達，今次大約三點幾左右到達，並不多人。完全唔餓，所以每人吃了一個撻ｏｎｌｙ。都算熱的，吃起來牛油味很香，酥皮勁香脆。蛋槳就一般啦！！值得一去再去！留意到隔離街另一間Cafe好多外國人，下次要試試先！

最出名的葡撻,真的很好味芒果mose cake,成個都很硬,一d都唔滑...因為太太太硬了~~不喜歡其o者喱面~~

第一次借工作於娛樂嚟澳門。工作完了，便吃喝玩樂。嚟澳門前喺openrice見到好多人comment呢間出名食葡撻，於是一試。少嚟澳門唔太熟路，所以由大三巴嚟呢度花咗成個小時，慶幸晚上七點幾嚟到都未閂門。見佢仲有廿幾件葡撻都未賣完，於是就order咗3件喺度食，一個疑似老闆娘的人就叫我哋等一等，因為就快有另一盤葡撻出爐。我心感快慰，千身萬苦嚟食葡撻，仲可以食到新鮮出爐的葡撻，加上嗰陣時都已經晚上七點幾，佢哋收八點，舊既未賣哂，又焗一盤，真係驚喜等咗5mins，新鮮葡撻出爐了，即order咗3件。疑似老闆娘又多一句好心的提醒："啲葡撻啱啱出爐，食時小心熱…"跟住我就拎住啲葡撻出門外坐喺好寫意的長枱慢慢的品嚐。食時一鼓熱氣上升，所以細細品嚐，蛋撻皮又脆又鬆化，啲蛋黃好滑，但我個人就略嫌蛋撻皮的牛油味重咗啲又唔夠甜，但咁晏都仲有新鮮出爐的蛋撻都算賺咗。嚟過一次，下次識路都會再嚟食，哈！

星期六到澳門兩天遊，吃了晚飯，回香港前有時間，到這家瑪嘉烈蛋撻店吃佢最出名的葡撻，當甜品，那時約下午六時三十分左右，客人不多坐下，我太太就去買了兩個葡撻及凍檸水，點知道兩個葡撻一個都0K！但另一個就黑到好像炭一樣，我知道葡撻個面是會有小小焦黑的，但是這個是全個面都黑的，我真想不到這麼出名瑪嘉烈蛋撻店會出個這樣的葡撻，就想叫太太拿去換，誰知佢話葡撻出門不能退換，我們就坐在店內吃，黑到好像炭一樣都不能換？？我知這家店是很有名氣但是名氣是客人給她的，今時今日澳門及香港都有很多葡撻店都出品都很好，請她不要太自大，劣評都是客人給她的，真想不到來遊澳門臨走前都一肚氣。

第一日來到澳門，在過了下午茶時間的時候來到，食物算OK，葡撻和煙肉芝士批在水準之上!!!不過凍奶荼就…HK都有囉~整體算OK既~~值得一試!!!